Претседателот на Република Туркије, Реџеп Таип Ердоган, со својот руски колега Владимир Путин разговараа за последните случувања во врска со војната меѓу Русија и Украина, како и за билатералните односи меѓу Москва и Анкара, јавува Агенција Анадолија (АА).
Според соопштението на Директоратот за комуникации на Туркије, во телефонскиот разговор помеѓу Ердоган и Путин станало збор за можностите за дополнително унапредување на турско-руските односи, како и за последните случувања во војната во Украина.
Ердоган, исто така, повторил дека Туркије е подготвена да даде свој максимален придонес за мирно решавање на украинското прашање на начин што ќе биде од корист за сите.
