Унгарија е единствената земја која се снабдува со руски гас, откако преостанатите четири гасоводи се исклучени.
Постојат четири гасоводи кои би можеле да ја снабдуваат Европа со руски природен гас: Северен тек 1: капацитет од 55 милијарди кубни метри годишно – испораките од овој гасовод Русија ги прекина, наведуваат западните медиуми); Северен тек 2, со идентичен капацитет од 55 милијарди кубни метри кој никогаш не профункционира, откако германската влада одби да го одобри по почетокот на конфликтот во Украина. Исто така, Јамал Европа, најдолгиот гасовод со должина од 4.107 километри, кој го снабдува гасот од полуостровот Јамал во Западен Сибир, завршува во Германија и има капацитет од 33 милијарди кубни метри. Русија ги прекина испораките од овој гасовод во мај.
„Турски поток“, кој испорачува гас од Русија под Црното Море и преку Балканот, има капацитет од 31,5 милијарди кубни метри и е единствениот гасовод што се уште е во функција. Завршува во Унгарија, што значи дека Унгарија сега е единствената земја-членка на Европската унија која сè уште добива руски природен гас.
Поради огромниот приход што Русија го оствари од скокот на цената на бензинот, таа нема интерес целосно да го прекине снабдувањето со гас во Европа. Иако Унгарија, сега единствената земја од Европската унија од каде доаѓа рускиот гас, силно се противи на какви било дополнителни санкции против Русија. Претходно оваа недела, премиерот Виктор Орбан најави национална консултација за санкциите на ЕУ против Русија, при што граѓаните беа прашани дали Унгарија треба да ги поддржи санкциите. Унгарската влада гласно се спротивставува на многу од санкциите наметнати на Русија, тврдејќи дека тие им штетат на Европејците, а не на Русите.
Самиот унгарски премиер Виктор Орбан минатата недела повика на укинување на санкциите против Русија до крајот на годината со цел да се запре инфлацијата, да се преполови цените на храната и да се стават под контрола зголемените трошоци за енергија. Што мислите, какви последици ќе има одлуката на Унгарија врз Европската Унија?
Нулта точка
