Две подводни експлозии „веројатно предизвикани од детонации“ се регистрирани во близина на истекување на гасоводот Северен тек 1 и 2 и се случиле непосредно пред да биде откриено истекувањето, објави во вторникот шведскиот сеизмографски институт, пренесува Франс прес.
Првата „голема енергетска емисија“ со магнитуда 1,9 е забележана ноќта меѓу неделата кон понеделникот во 02:03 часот по локално време југоисточно од данскиот остров Борнхолм, а втората со јачина од 2,3 во 19:04 часот во понеделникот вечерта на североисток од Островот, рече тој, за АФП Питер Шмит од Шведската национална сеизмографска мрежа. „Ние толкуваме дека експлозиите најверојатно биле предизвикани од некоја форма на детонација“, изјавил тој.
Независниот норвешки сеизмографски институт (Норсар) потврди „помала експлозија“ рано наутро во понеделникот и втора, „посилна“ во понеделникот вечерта. Тој верува дека биле намерни. „Тоа е голема експлозија. Тешко е да се остави впечатокот дека тоа го направил некој кој знаел што прави“, изјави директорката на Норсар, Ен Стрмен Лајк за АФП. „Со ослободување на толку голема количина на енергија, тоа не може да биде ништо друго освен експлозија што ја предизвикала“, истакна Шмит. Трите големи излевања идентификувани во понеделникот во водите кај данскиот остров Борнхолм се видливи на површината во морска пена со дијаметар од 200 метри до 1 км. Необјаснетите протекувања се резултат на „планиран терористички напад“ извршен од Москва, тврди Украина, во време кога се евидентираат повеќе акти на саботажа. Кремљ во вторникот објави дека не ја исклучува можноста штетата на гасоводите „Северен тек“ во Балтичкото Море да е предизвикана од саботажа и изрази „екстремна загриженост“.
Европската комисија претходно во вторникот објави дека е прерано да се шпекулира за причината за истекувањето на гас во два гасоводи наменети за испорака на гас од Русија до Европа. Шведската полиција во вторникот објави дека ја отворила првата истрага за можен чин на саботажа поради гасоводот Северен тек 1 кој истекува во Балтичкото Море. Истекувањето е откриено на рускиот гасовод Северен тек 1 во шведските и данските води, набргу по откривањето на истекувањето на гасоводот Северен тек 2. „Северен тек 1“ испорачува гас од Русија во Европа, а „Северен тек 2“ требаше да испорача руски гас и преку Балтичкото Море до Германија и беше завршен на крајот на минатата година.
САД се спротивставија на тоа, тврдејќи дека тоа ќе ја зголеми зависноста на Европа од рускиот гас. Истата беше критикувана и од Украина, жалејќи се дека ќе изгуби приход од транзитот на рускиот гас. Германија го стави на мраз поради руската инвазија на Украина. Во времето кога германскиот канцелар Олаф Шолц го блокираше поради руската инвазија на Украина, во гасоводот чекаа 300 милиони кубни метри гас за испорака, наведува Ројтерс.
