Дваесет и седумгодишната Дерја Тасар од турскиот град Хакари, откако дипломирала на два универзитети, решила да се занимава со сточарство и станала пример за жените во своето село. Тасар студирала социологија и социјална работа, а моментално го завршува третиот факултет, овојпат педагогија. Во своето опкружување е позната како образована девојка која и покрај тоа што има двојно универзитетско образование, се посвети на сточарството.
Во изјавата за АА, Тасар рече дека почнала да се занимава со земјоделство благодарение на донацијата на градската управа која подарила 20 овци. Рекла дека заработува продавајќи млеко и млечни производи и на тој начин му дава економска поддршка на семејството. – Татко не знаеше дека јас се пријавив за донација. Утрото заминал на работа и рекол дека планира да го продаде автомобилот и да купи овци. Му кажав дека се пријавив за донација и го замолив да почека малку. Истата вечер беа објавени списоците со луѓе кои ќе добијат донации, а меѓу нив беше и моето име. Таткото беше многу среќен, не мораше да го продаде автомобилот, рече Тасар.
Со својот труд бројот на овци го зголемила на 45, а откако ќе ги заврши работите околу овците, се враќа дома и учи за претстојните испити, за успешно да ја заврши третата универзитетска диплома.
За донацијата се пријавила и Стрина Нергиз Тасар, која има четири деца, за која дознала благодарение на Дерја Тасар. – Благодарение на неа десет жени се пријавија за донација.
Одиме на пасиште, ги молземе овците, од млекото правиме сирење и путер, а млекото го продаваме. На сите жени им препорачувам да се занимаваат со оваа работа, тоа ќе придонесе за производство и ќе заработи, рече Нергиз Тасар, која додаде дека ја сака оваа работа и не се заморува додека работи.
Извор: АА / Превод: Balkannews
