Денешна Турција е подалеку од ЕУ отколку што беше пред неколку децении кога аплицираше за влез во блокот, рече претседателката на Европската комисија Урсула фон дер Лајен во интервју објавено во вторник.
Шпанскиот весник elDiario.es во понеделникот ja праша фон дер Лајен за изгледите на Анкара конечно да се приклучи на европскиот блок. Таа одговориla: „Нема напредок и доволно е. Значи, во рацете на Турција е да промени нешто во врска со тоа“.
„Процесот на пристапување е флексибилен до степен до кој во голема мера зависи од развојот на настаните во земјата апликант“, istaknala фон дер Лајен. „Најистакнати примери се Турција и Словачка. И на двeте земји им беше дадена европска перспектива за пристапување во 1999 година, а пет години подоцна Словачка стана членка на Европската унија. Тие направија се за да напредуваат, со огромно национално единство.
А Турција денес е подалеку од Европската Унија отколку порано“. Турција формално поднесе барање за пристап во ЕУ во 1987 година и беше прогласена за подобна за членство во 1999 година. Но, преговорите заглавија на почетокот на 2000-тите, првично поради одбивањето на Турција да ја признае Република Кипар во ЕУ.
Во 2019 година, Европскиот парламент гласаше за суспензија на пристапните преговори, наведувајќи ја загриженоста за состојбата со човековите права во Турција. Турските власти постојано изјавуваа дека Анкара останува решена да се приклучи на ЕУ еден ден. „Ги цениме напорите Украина да добие членство во ЕУ.
Но, ги прашувам членките на ЕУ: Зошто сте загрижени за членството на Турција во ЕУ? во месецот март рече претседателот Реџеп Таип Ердоган. Тој побара од Брисел да и ја даде на Турција „истата чувствителност“ што му ја покажа на Киев. Турција неодамна соопшти дека ќе ги блокира Шведска и Финска да се приклучат на НАТО, воен блок предводен од САД, обвинувајќи ги двете нордиски нации дека ги поддржуваат курдските бунтовнички групи.
Извор:logicno
