Рускиот претседател Владимир Путин денеска одржа остар говор на пленарниот состанок на Економскиот форум во Санкт Петербург.
Во таа прилика тој изјавил: „Откако прогласија победа во Студената војна, Соединетите Држави изјавија дека се Божји гласник на Земјата, кој нема обврска, туку само интереси – и тие интереси се свети. Навидум, САД не се свесни дека во последните децении низ светот се појавија нови моќни центри и нивните гласови се слушаат се погласно. „Секој од нив развива свој политички систем и јавни институции и спроведува сопствен модел на економски раст и, се разбира, има право да ги заштити и да обезбеди национален суверенитет“, рекол Путин, пренесе руската агенција ТАСС.
Светот никогаш повеќе нема да биде ист и невозможно е да се „чека“ за време на актуелните турбулентни промени во светот, тврди рускиот лидер и додава дека светот минува низ „фундаментални, револуционерни и немилосрдни“ промени. „Погрешно е да се мисли дека можеме, така да се каже, да чекаме време на турбулентни промени, дека се ќе се врати во нормала и ќе биде како порано. Нема шанси!” нагласи тој. „Тоа се објективни процеси, навистина револуционерни, тектонски промени во геополитиката, глобалната економија, во технолошката сфера, во целиот систем на меѓународни односи, при што улогата на динамични, перспективни земји и региони значително се зголемува.
И невозможно е да се игнорираат нивните интереси “, истакнал тој. Кога станува збор за војната во Украина, тој вели дека одлуката да се започне „специјална воена операција“ во Русија била тешка, но дека биле „принудени“. Путин тврди дека нападот имал за цел „да ги заштити луѓе во Донбас“ кои биле „подложени на геноцид“. Тој додаде дека „Западот продолжува да ја пумпа Украина со оружје“, велејќи дека „сите цели на специјалната операција ќе бидат постигнати без никакво сомневање“.
Путин се осврнал и на западните санкции. Тој додава дека западните народи сè уште размислуваат во рамките на минатиот век – другите држави да ги третираат како колонии. Путин изјавил дека се обидуваат да ги изолираат или поништат „погрешните“ држави. Тој ги нарече санкциите „економски блицкриг“ што е „лудо и бесмислено“. Тој исто така тврди дека санкциите се поштетни за оние што ги воведуваат. Тој вели дека Европската унија може да загуби повеќе од 400 милијарди долари поради санкциите против Русија.
Путин додал дека ЕУ го изгубила својот „политички суверенитет“ во одговорот на војната во Украина. Тој вели дека инфлацијата во земјите на ЕУ е во пораст и додава дека нееднаквоста само ќе се зголемува како резултат на санкциите. Путин надополнил дека вистинските интереси на луѓето во Европа се занемарени. Рускиот претседател вели дека ќе ја држи економијата „отворена“ за секој што тоа го сака, дури и за западни компании, и дека ќе бара нови патишта за извоз на гас. Тој тврди дека инвестициите во Русија ќе бидат безбедни. Дополнително, „Русија е во состојба значително да го зголеми извозот на житарки и ѓубрива“.
Само извозот на жито може да се зголеми на околу 50 милиони тони. Путин негира дека Москва ја спречува Украина да ги испраќа своите производи во странство или дека Москва е виновна за порастот на цените на светскиот пазар на жито. Русија ќе извезува храна во Африка и Блискиот Исток, додал тој.
