Висок службеник на Светската здравствена организација (СЗО) изјави дека таканаречените ковид пасоши не треба да се користат за меѓународни патувања, поради голем број причини, вклучително и фактот дека во моментов вакцините за коронавирусот не се лесно достапни на глобално ниво, пренесува „Ал Џазира Балканс“.
Ова е ставот на шефот на итни случаи на СЗО, Мајкл Рајан. Тој додаде дека постојат „вистински практични и етички размислувања“ за воведување ковид пасош за услов за патување.
„Вакцинацијата едноставно не е достапна ширум светот и не е достапна на фер основа“, рече Рајан на прес-конференција.
СЗО претходно кажа дека не се знае колку трае имунитетот на вакцините за Ковид-19.
Меѓудругото, Рајан кажа дека стратегијата може да биде неправедна кон луѓето кои од разни причини не можат да се вакцинираат.
TV21
