Турција и Грција денеска во Истанбул започнаа разговори за решавање на спорот за истражување на нафта и гас на истокот на Средоземното море, по неколкумесечна дипломатска криза, изјави за АФП висок турски официјален претставник, како што пренесе агенцијата Макфакс.
Тој прецизира дека грчката дипломатска делегација ја примил вториот човек во турското Министерство за надворешни работи, Седат Онал. Преговорите меѓу Грција и Турција беа прекинати во 2016 година поради растечките тензии. Турските мисии за истражување на гас во грчките територијални води, според грчките власти, доведоа до најголема дипломатска криза во односите меѓу двете земји во последните неколку месеци, за која многу аналитичари стравуваа дека може да прерасне во конфликт.
Иако Атина изрази оптимизам и Анкара ја поздрави позитивната атмосфера, се очекува мал напредок во преговорите. Двете земји не успеаја да се договорат за список на теми за дискусија, што, како што наведува Француски печат, може да ги претвори овие преговори во „глуви разговори“.
