Судот денес го осуди Анџело Калоја, поранешниот шеф на Банката во Ватикан, за обвиненија за проневера и перење пари, што го прави највисокиот ватикански службеник осуден за финансиска злоупотреба. 81-годишниот Калоја бил претседател на банката, официјално познат како Институт за верски работи (ИОР), помеѓу 1999 и 2009 година.
Судот во Ватикан ги осуди и Габриеле Лиуз (97) и неговиот син Ламберт (55), двајцата италијански адвокати кои биле банкарски консултанти. Тројцата се обвинети за учество во „шема“ во која проневериле пари додека управувале со продажба на згради во Италија во сопственост на банката и нејзиниот оддел за недвижнини во периодот 2002-2007 година.
Тие, наводно, проневериле до 57 милиони евра, изјавувајќи ја книговодствената вредност далеку помала од реалниот износ на продажба. Габриеле Лиузо ја доби истата казна како Калоја, додека Ламберто Лиузо беше осуден на пет години и два месеци. Сите негирале за време на судењето, кое започна во 2018 година.
