Претседателот на Република Турција, Реџеп Таип Ердоган изјави дека ќе се изгради нова куќа што е можно поскоро за секој граѓанин на Измир чиј дом е уништен во земјотресот.
Ердоган зборуваше на конгресот на Партијата за правда и развој (АК Партија) во источниот турски град Ван, во врска со земјотресот што го погоди западниот турски град Измир во петокот, при што загинаа најмалку 26 лица, јави Анадолија. .
Турскиот претседател испрати пораки со сочувство до семејствата на настраданите граѓани на Измир и до целиот турски народ, а на повредените им посака брзо закрепнување.
– Ќе изградиме и предадеме нови куќи на сите граѓани на Измир чии домови беа уништени во земјотресот што е можно поскоро – рече Ердоган.
Говорејќи за глобалните настани, Ердоган рече дека светот во моментов ја чувствува болката од транзицијата кон нова политичка и економска ера.
– Претходниот век, со војни што резултираа со смрт на стотици милиони луѓе, беше обележан со колонијални активности без никакви морални граници, и потрага по демократија и слобода. Гледаме дека во првата сериозна криза, болести како што се фашизам, расизам и ксенофобија веднаш се појавија во западните земји кои се претставуваат како лулка на демократијата и слободата. Оние кои со години ги охрабруваа луѓето од различни географски области, кои сметаат дека е ефтина работна сила, да доаѓаат во нивните земји, сега ги затвораат своите граници пред бранот бегалци, рече Ердоган.
Ердоган рече дека оние што се обидуваат да го одбранат сето грдо што се изразува кон пророк од една религија или кон еден државник, под покровителство на слободата, најмногу му штетат на концептот на демократија.
– Многу е болно што патот до европските вредности води преку застапување на најтешките навреди на сметка на симболите на другите религии и општества – рече Ердоган и додаде: „Подемот на исламофобијата, особено во Франција, е потврда за менталитетот што ја вовлече Европа во катастрофа“. .
(Вијести.ба / ФЕНА)
