Како што информира „Скај Спортс“, за две години ќе стартува нов проект од страна на светската фудбалска куќа.
Формирањето на т.н. „европска Премиер лига“ е во завршна фаза и наскоро сè треба да биде претставено пред фудбалската и спортската јавност. УЕФА е игнорирана, самата ФИФА стои зад револуционерниот проект.
Едни од најголемите европски клубови ќе играат во оваа елитна лига, а за почетокот од натпреварувањето ќе бидат обезбедени шест милијарди долари.
На овој начин, ФИФА сака да го намали влијанието на УЕФА врз светскиот фудбал, а со тоа да го намали и финансискиот потенцијал, а сè уште не е познато дали евентуалното создавање на европската Премиер лига ќе значи дефинитивен крај на популарната Лига на шампиони.
Би учествувале 16 или 18 клубови според лигашки систем, а осум најдобри екипи ќе се најдат во плеј-офот. Се најавува дека дел од учесниците ќе бидат Баерн Минхен, Реал Мадрид, Барселона, Јувентус, ПСЖ, Атлетико Мадрид, Манчестер јунајтед, Челси, Ливерпул, Тотенхем и Арсенал.
Sky Sports
