Бројот на загинати во железничката несреќа што се случи вчера во Данска се искачи на 8 лица, јавува Anadolu Agency (AA).
Арне Грам, шефот на полицијата на островот Фунен, за новинарите изјави дека во несреќата животот го загубиле најмалку 8 лица.
Тој нагласи дека полицијата идентификувала 4 тела.
„Лошите временски услови и големата оштетеност на возот ја направија истрагата за несреќата компликувана“, додаде Грам.
Инцидентот се случи на мостот на Мостот над Големиот Белт кој ги поврзува данските острови Зеланд и Фунен во околу 07:30 часот по локално време.
Патничкиот воз што превезуваше 131 лице и 3 члена на екипажот патуваше на релацијата Одензе – Копенхаген, кога удри во товарен воз што се движеше во спротивна насока.
Во несреќата повредени се најмалку 16 лица.
Започната е истрага за можните причини за несреќата која се случи при големо невреме.
