Русија претходно најави одржување на големи воени вежби во Медитеранот. Вашингтон тајмс тврди дека вежбите ќе се одржат пред масовната офанзива на сириската армија на еден од последните напади на противниците на Асад во Идлиб. Според пишувањето на Вашингтон тајмс, ова е очигледен предизвик за американската војска, која исто така е присутна во Сирија, каде што, наводно, се бори против “Исламската држава” и другите терористички групи.
Руското Министерство за одбрана најави одржување на големи воени вежби во Медитеранот, кои започнаа на 1-ви септември. Според Вашингтон тајмс, ова е уште еден доказ дека е неизбежна масовна офанзива од страна на сириските власти врз едно од последните упоришта на бунтовниците во Идлиб
“Оваа кампања беше објавена изненадувачки искрено и претставува очигледен предизвик за присуството на американската војска во Сирија, која се бори против Исламската држава и другите терористички групи”, пишува авторот.
Москва соопшти дека воените вежби во Медитеранот ќе траат од 1 септември до 8 септември и ќе вклучуваат повеќе од 35 воени бродови и 30 авиони, од кои некои ќе извршуваат операции во сирискиот град Тартус, најважната руска воена база во регионот.
Овие воени вежби ќе се одржат во времето на пораст на голем број руски воени бродови во регионот, а некои од медиумите ја нарекоа оваа група најголема флота на Медитеранот откако Москва интервенираше во сирискиот конфликт во 2015 година.
Знаците на овие маневри биле видливи пред неколку недели, но руското Министерство за одбрана избегна да даде директен одговор на прашањата а, наводно, се ширеа дури и лажни информации кога британските претставници на морнарица објавија дека два руски поморски бродови и неколку поморски бродови поминале ноќе во близина на британските води.
Во тоа време, руското Министерство за одбрана објави дека големиот противподморнички брод “Североморск” и ракететниот крстосувач “Маршал Устинов” од Баренцовото море впловиле во Атлантикот каде што требало да спроведат вежби на помагање на луѓето во опасни ситуации во морето. Но, на 30 август, руските официјални лица изјавија дека “Маршал Устинов” ќе биде главен учесник во воените вежби во Медитеранот.
Американските официјални лица молчат за движењето на руските воени бродови, иако во четвртокот во Пентагон дека во септември ќе ги одржат своите воени вежби со Египет. Претставниците на египетската армија, исто така, потврдија дека по вторпат ќе одржат вежби на “Bright Star”, , што ќе започне веднаш по завршувањето на руските маневри на 8 септември, според извештаите на Централната команда на САД, околу 800 американски војници ќе учествуваат на овие вежби.
