Македонија станува дестинација за политички стратези на Кремљ, идеолозите на руската исклучителност и московската православна мисија,пренесува Гласот на Америка.
Под насловот “Анализа на дезинформациите: дали Македонија ќе стане руски сателит”, ВОА наведува дека, како и во Украина, стратезите на руската информатичката војна ги идентификуваат постоечките слаби страни во земјата која се најде на мета и ги претставуваат на начин да ги промовираат интересите на Москва.
Во Македонија, стратезите на Кремљ во своите публикации ги истакнуваат постојните етнички и политички прашања кои го вклучуваат албанското малцинство, како и прашањата што ги придружуваат евроатлантските аспирации на Македонија, според текстот што првично беше објавен на веб-страницата за проверување на факти, заедничкиот проект Гласот на Америка и Радио Слободна Европа (www.polygraph.info).
Според македонскиот сервис Гласот на Америка, клучниот стратег во руската информативна војна во Македонија е Леонид Савин, кој на крајот на мај обучи 50 членови на “Единствена Македонија”, ултрадесничарска партија која се противи на промена на името на Македонија и патот на земјата кон НАТО и ЕУ го доживува како крај на македонската државност и независност.
Во текстот се наведува дека Савин е “комесар на Евроазиската младинска унија”, крило на рускиот ултранационалистички Евроазиски унии, унии создадени од Александар Дугин и неговите идеолошки соработници, а дека еден дел од платформата на таа унија наречена “Нашиот непријател” е целосно посветена на САД.
Овој дел завршува со параграф во кој пишува: “Нашата унија има апсолутен непријател. Тоа се САД. Тие се алфа и омега на нашата омраза “, се вели во извештајот на ВОА.
Во прилог на блискоста со Александар Дугин, другите врски на Савин понатаму го идентификуваат како клучна личност на политиката на експанзијата на Кремљ. Савин е цитиран како главен и одговорен уредник на двете агенции, Катехон и Геополитика, и како редовен соработник на Државниот фонд за стратешка култура.
Катехон е веб-страница основана и финансирана од рускиот мултимилионер Константин Малофеев, кој е под санкции на САД за неговата логистика, финансиска, идеолошка и материјална поддршка за руските операции во Крим и источна Украина.
Сепак, Украина е само мал дел од геополитичките интереси на Малофеев. Истрагата на германското неделник Сајт 2015 откри дека врските Малофеев и Дугин имале со водечките грчки политичари, а целата трага на крајот води до претседател на Русија.
Малофеев, Дугин и други, наводно, учествувале во обидот за пуч во Црна Гора во 2016 година, но и неколку други тајни руски операции на Балканот, се додава во анализата.
Извор:РСА
