Аеродромот во Хамбург целосно e блокиран. Ниту еден авион не слетува или полетува, јави агенцијата ДПА. Портпаролката на аеродромот соопшти дека сите патници се евакуираат од објектот.
Ова е аеродромот во вториот по големина град во Германија, кој е исклучително прометен. Евакуацијата започна некаде по 10 часот наутро. Сè уште нема информации за причината за блокадата. Годишно преку овој аеродром поминуваат околу 17 милиони патници.
