Претседателот на Републиката Реџеп Тајјип Ердоган допатува во главниот град на Узбекистан Ташкент, првата станица од неговата турнеја во чии рамки освен оваа централноазиска држава ќе биде опфатена и Јужна Кореја.
Претседателот Ердоган во претседателската палата Коксарај беше дочекан со официјална церемонија од страна на узбечкиот претседател Шевкет Мирзијајев.
Двајцата лидери Ердоган и Мирзијајев по средбата лице в лице и меѓуделегациските разговори присуствуваат на церемонијата на потпишување на низа договори помеѓу двете земји, а потоа одржаа и заедничка конференција за претставниците на печатот.
Претседателот Ердоган на одржаната прес-конференција истакна дека Турција е одлучна за зајакнување уште повеќе на односите со Узбекистан во сферите на економијата, индустријата, земјоделството и туризмот.
Велејќи „Развојот на нашите економски односи буди задоволство“, претседателот Реџеп Тајјип Ердоган рече: „Нашата меѓусебна трговија во 2017 година изнесуваше 1,2 милијарди долари, додека сега е зголемена на 1,5 милијарди долари. Наша цел е нашиот трговски обем да го зголемиме на 5 милијарди долари. Тоа не е тешко, ние можеме да успееме во тоа, бидејќи таа волја постои и кај двете страни.“
Ердоган напомена дека потпишаните договори помеѓу Турција и Узбекистан се излезени на едно долго патување.
Претседателот Реџеп Тајјип Ердоган во текот на денот во рамките на своите средби и разговори во главниот град на Узбекистан Тешкент ќе им се обрати на пратениците во узбечкиот парламент, а ќе положи и венец на спомениците Јасли Ана и поранешниот узбечки претседател Ислам Керимов.
Претседателот Ердоган и узбечкиот претседател Шевкет Мирзијајев ќе учествуваат и на турско-узбечкиот бизнис форум.
Претседателот Ердоган по посетата на Ташкент, утре (вторник) ќе го посети и историскиот град Бухара.
Претседателот Реџеп Тајјип Ердоган за време на оваа негова посета е придружуван од страна на неколку министри и голем број бизнисмени.