Рускиот претседател Владимир Путин во денес допатувал во Кина на тридневната посета фокусирана на зајакнување на воените и економските врски. Кинескиот претседател Кси Џинпинг го поздрави Путин со воени почести во Големата сала на народот на Пекинг.
Се очекува двајцата водачи – од кои ниту еден од нив не е поканет на самитот на најголемите светски економии во Канада во петокот и саботата – да потпишат деловни договори во текот на денот.
Русија и Кина сакаат да ја подобрат соработката во областите како што се инфраструктурата, енергетиката, научните истражувања и високата технологија, изјавил Путин во интервјуто за кинеската медиумска група пред посетата.
Русија се фокусираше на зајакнување на врските со Азија во последниве години, бидејќи нејзините односи со Западот се влошени од украинската криза и војната во Сирија.
Во центарот на овие напори е Шангајската организација за соработка (SCO), Евроазискиот воен и економски блок. Путин ќе присуствува на самитот на (SCO), во кинескиот град Кингдао за време на викендот.
На (SCO), отпаѓа “четвртина од светското БДП, 43 проценти од светската популација и 23 проценти од вкупната површина на нашата планета”. Ресурсите се неизмерени. Имајќи ја предвид динамиката на раст во Азија, Кина и Индија, ќе се обидеме да дадеме поттик за руската економија и да ја поддржиме оваа динамика – изјави Путин во едно интервју.
Тој на кинескиот лидер го опишал како доверлив и чесен лидер. Џи е единствениот актуелен претседател со кој Путин го прослави својот роденден, тврди рускиот лидер.
– Тоа беше едноставен настан. Зедовме чаша вотка и јадевме колбаси – рече Путин, пренесува ДПА.
Извор:(Vijesti / ФЕНА)
