На меѓународниот аеродром Бусан во Јужна Кореја се запали патнички авион.
Сите 169 патници и седум членови на екипажот се безбедно евакуирани, објави новинската агенција Јонхап, повикувајќи се на властите.
Пожарот избувнал во опашката на авионот на „Ер Бусан“, се вели во извештајот.
Помина еден месец од најсмртоносната воздушна катастрофа на јужнокорејско тло, кога авион кој доаѓаше од Бангкок се урна на пистата на аеродромот Муан при итно слетување.
Пожарите беснеат и опустошуваат површини колку цели градови во Северна Македонија. Прогласена е 30 дена кризна состојба. Но има криза и во делот на опремата за справување со пожарите, гаснат и возила стари 45 години. Нема и луѓе, па општините си помагаат, а почна да пристига помош и од други држави
Вчера беше драматично, утрово е подобра ситуацијата, но знаете, во тек на денот станува топло и пожарот пак почнува да се шири, вели Горан Стојанов, градоначалник на Неготино, опишувајќи ја за РСЕ ситуацијата во општината во која веќе шести ден беснеат пожари.
Според неговата проценка, досега изгореле од 300 до 500 хектари шума. Или, површина што е најмалку два пати поголема од Неготино.
Огнот се шири во општина која кубури со луѓе и опрема за противпожарна заштита, па на помош дојдоа војската, пожарникари од други градови, а се очекуваат и од други држави. Како што кажува Стојанов, општинската противпожарна служба треба да има 19, а има 14 пожарникари.
„Луѓето се изнемоштени, на крај на сили, од 12 до 15 часа работат. Помошта многу ќе ни значи“, вели Стојанов.
„Возниот парк“ за противпожарна заштита им е во очајна состојба- имаат три цистерни, еден џип што собира 300 литри вода – што стари, што од донација. Пред две години набавиле едно единствено ново возило. ФАП-от со кој уште работат е од 1978 година, стар е 45 години.
„Ни недостигаат и опрема и возила за во ваква ситуација. Доаѓаат доброволци, треба да им дадеме специјална опрема за гаснење, а и таа ни е од комунизмот“, вели Стојанов.
Им помага и соседната општина Кавадарци. Градоначалникот Митко Јанчев за РСЕ вели дека тие се подобро опремени за противпожарна заштита – затоа, општина Кавадарци испратила на помош во Неготино 20 пожарникари, 5 противпожарни возила, 3 цистерни и тешка механизација за расчистување на теренот, обезбедена од пет приватни фирми.
Повеќе на РСЕ
Голем пожар зафатил облакодер во центарот на Дубаи. Снимките покажуваат дека пламенот се шири низ зградата од 35 ката. Пожарот бил пријавен околу 15 часот, екипите биле на терен пет минути потоа. Под контрола е ставен во 04:52 часот, а целосно изгаснат околу 6 часот утринава.
– Сите жители се евакуирани и нема повредени – соопшти Цивилната одбрана на Дубаи. Зградата е дел од комплексот наречен 8 Boulevard Walk, дизајниран од Emaar, од кој се вели дека им помагаат на станарите, пренесува The National News.
Another Video- Massive fire broke out in a 35-story high-rise building near the #BurjKhalifa.
The building of the residential complex 8 Boulevard Walk caught #fire. #Emaar, which is considered the largest developer in the Arab world.#UAEFlagDay #uaeflag #UAE pic.twitter.com/Xj45WiViKn— Chaudhary Parvez (@ChaudharyParvez) November 7, 2022
Бинду Раи, кој живее во зградата спроти улицата, изјави дека пожарот избувнал околу 02:20 часот. – Мајка ми се разбуди кога избувна пожарот затоа што целата соба и беше осветлена – додала Раи. Таа рече дека парчиња отпад во еден момент паднале на земја. Станарите на облакодери се уште чекаат да се вратат дома.
Полицијата во Дубаи ја опколи областа за да може да се извршат работи за рехабилитација и да се отстранат остатоците од улиците. Се верува дека некои станови биле оштетени и од чад и вода. Очевидци изјавија дека пожарот избувнал на еден од долните катови, најверојатно четвртиот. Во зградата во која живеат многу семејства со деца редовно се одржуваа вежби за пожар. Повеќето од нив само заминале со облеката што ја носеле, а семејствата биле однесени во блиските хотели.
Една Русинка, која зборуваше за The National, требаше да замине подоцна во понеделникот. Таа очајно бараше информации за тоа кога ќе и биде дозволено да се врати во нејзиниот стан за да го земе пасошот и облеката за да го фати вечерниот лет.
In #Dubai, the #Emaar skyscraper caught fire near the #BurjKhalifa, the tallest building in the world.
At the moment the fire was extinguished, there is no information about victims. pic.twitter.com/QtPmRBHSTq
— NEXTA (@nexta_tv) November 7, 2022
Најмалку 68 лица загинале во пожар и немири што избувнале во полициската станица во градот Валенсија во Венецуела, објави Би-Би-Си.
Главниот државен обвинител Тарек Сааб изјавил дека отвворена е истрага за она што се случило.
Наводно, пожарот започнал во средата кога затворениците во ќелија запалиле душек со намера побегнат.
Полицијата употребила солзавец за да ги растера луѓето што се собраа кога забележале пожар.
Притоа еден полицаец бил застрелан, што предизвика хаос и неконтролирани судири, што предизвика голем број мртви, пренесува BBC.
Властите не понудиле објаснување за толку големиот број на жртви.
Почитувани, пред речиси една година пишувавме за потребата од решавање на проблемот со старата руинирана училишна зграда, која пред неколку години беше реновинара за привремено одржување на настава додека се градеше новата училишна зграда на ова населба.
Станува збор за дотраен објекти, поранешен дом, и објект во кој беше сместена поранешната амбуланта.
Нешто повеќе за претходната состојба на овој објект кога информиравме за сериозноста од негово решавање како проблем како за жителите на ова населба така и за учениците кои посетуваат настава во новото училиште зграда која се наоѓа но негова непосредна близина.
Линк од претходна информација:
Дека станува за сериозен проблем, кој под итно треба да се реши од Општинските органи во заедничка координација со Месната Самоуправа на населба Подгорци, зборува и денешниот настан поврзан со овој објекти.
Имено според информациите кои ги добивме од местото на настанот, во дел од просториите на ова стара руинирана заграда некаде околу 06.20 часот утринава забележан бил пожар.
По пријавувањето на истиот на местото на настанот пристигнале против пожарни екипи, предстсвниви на ЕВН, како и представници на крим полиција – Струга.
Благодарение на навременото пријавување и активноста на противпожарната единица, пожарот бил згаснат и ставен под контрола и се спречило негово понатамошно проширување.
Се преземаат мерки за утврдување на причините за настанување на пожарот.
Во пожарот предизвикана е помала материјална штета.
А, ние уште еднаш укажуваме на потребата од итно решавање на проблемот со овој објект, од страна на надлежните органи Месната Самоуправа (во чија сопственост е овој објекти) како Општинските органи, односно Општина Струга.
Од полна куќа луѓе, сега останаа само изгорените греди од покривот и делови од изгорена куќа, а во неа спомени од животот на луѓето кои живееле во тетовското маало Два Бреста. Местото каде изгореа мајка со нејзините четири деца во четвртокот 24 јануари. Играчки стопени од огнот, остатоци од мебел растурени низ дворот на куќата. Откако се случи пожарот, веќе не доаѓа никој, тажно објаснуваат соседите.
– А кој да дојде? Старите – таткото и мајката на Муса, човекот кој го изгуби целото семејство, остана без ништо во животот. И без луѓе и без куќа, раскажуваат соседите.
Муса Зулбеари бил единствениот што работел во семејството. Тој таа ноќ не бил дома, работел трета смена. Веста за трагедијата ја дознал од полицијата. Чувар, што не земал повеќе плата од 200 евра.
Во маалото важи за добар човек и домаќин. По цел ден работел, за да заработи за храна. Осумчленото семејство било на неговите плеќи. Оние со кои разговаравме ни раскажаа дека зимите им биле најтешки, немале пари за дрва па се грееле со што стигнат. Како причина за пожарот беше наведена печката и старата електрична инсталација на куќата. Куќата е изградена во 1967 година, наследена од генерации. Триесетиосум годишниот Муса немал пари да промени ништо во домот.
– Тежок живот, немаштија, раскажуваат соседите. Домот на Зулбеари не бил осигурен.
Тој остана и без куќа и без семејство. По оваа трагедија во црниот биланс на вести влезе уште eдна мајка и син кои загинаа во пожар во Битола. Од стара инсталација, се запалила куќата. Од смрт успеал да се спаси само сопругот и татко. Сиромашно семејство, едвај го поминувале месецот.
Од осигурителните компании велат дека ретко кој од посиромашните граѓани плаќаат за осигурување во случај на незгоди во домот.
-Ниските примања, а долг е список на трошоци, не им дозволува на граѓаните да си го осигурат имотот велат од агенцијата која ги контактираше. Најчесто оние кои ќе преживеат, живеат со судбината да се сами и најчесто на улица, објаснуваат од агенцијата за НОВА.
Според ценовникот, осигурување на стан чини:
30 м2 чини 825 денари
45 м2 чини 1237 денари
50 м2 чини 1375 денари
60 м2 чини 1650 денари
75 м2 чини 2062 денари
100 м2 чини 2750 денари.
-Луѓето немаат навика, мислат дека нема да им се случи тоа. А оние што одвај преживуваат за леб, верувајте дека не им дошло до осигурување на домот, велат од агенциите за осигурување.
Како да се заштитат луѓето од пожари?
Совет даде пожарникар во пензија, кој сакаше да остане анонимен. Вели, советите ќе бидат поважни од неговиот идентитет. Човекот, во своите средни години, видел многу трагедии, пред неговите очи умирале семејства, од спечалени куќи останувале само саѓи. Од неговото искуство најтешки се старите куќи, таму гори веднаш, во минута.
-Сепак вината ја гледам во општините. Тие треба да знаат кој како живее, да отидат кај посиромашните граѓани, објаснува нашиот соговорник.
Луѓето се запалуваат од дотраени инсталации, се греат со предмети што предизвикуваат пожари. Не ги чистат оџаците, бидејќи немаат пари. Tука треба да се ангажираат општините, а не отпосле, со донации кога луѓето изгубиле луѓе и се што спечалиле, раскажува нашиот соговорник.
Неофицијално од почетокот на годината, имало 100 пожари, тука се објекти и опожарени возила. Според податоците на МВР во 2017 година имало 1447 пожар, од кои во последниот квартал имало 208.
Извор:НоваТВ