Македонија е камен темелник на Балканот и ако се размрда, се размрдува целиот Балкан, предупреди денес Бојко Борисов на пленарна седница на Европскиот парламент (ЕП) во Стразбург. Тој ги претстави приоритетите на бугарското претседателство со ЕУ во наредните шест месеци. Бојко Борисов, премиерот на Бугарија, пред пратениците побара евро-атлантска перспектива за Македонија.
[embedyt] https://www.youtube.com/watch?v=HVxh6NwQ6VY[/embedyt]
Што се однесува до Западниот Балкан, има неколку варијанти. Затоа ние предложивме варијанта која не носи ризик за ЕУ. Сигурни сме, знаеме…. а знае и Жан-Клод Јункер кој беше пред неколки дена во Софија и им благодарам на Јункер, претседателот на Парламентот Тајани и претседателот Туск кои дојдоа на отворањето на бугарското претседателство.
Знаеме дека нема да има нови членки од Балканот за време на овој мандат на Европската комисија. Но истовремено, мораме јасно и чесно да им кажеме на што можат да се надеваат и какво е расположението во Европа.
Познавајќи го регионот можам да кажам дека ова е моментот кога тоа треба да го направиме. Вчера имаше еден истрел во Косово и целиот Балкан зоврива како и преговарачкиот процес меѓу Косово и Србија и веднаш расположението станува поинакво.
Народите од Балканот очекуваат, со оглед на тоа што географски и историски и припаѓаат на Европа, дека ќе и се придружат. Некои се понапред во процесот а некои поназад.
Јас мислам дека Бугарија и бившата Република Македонија дадоа особен пример за тоа дека на Балканот има држави што со такт и добри намери можат да решаваат проблеми и да не доаѓаат кај вас со нивните проблеми. Договорот за добрососедство кој со децении, иако се работеше на него, не се усвојуваше, се потпиша пред неколку дена, завчера македонскиот Парламент го ратификуваше а се надевам тоа ќе го направи и бугарскиот.
Премиерот Заев беше храбар, како и ние. И сега искрено се надеваме дека меѓу Скопје и Атина ќе се заврши процесот за името затоа што тоа ќе даде голема перспектива за Скопје, ова не го кажувам случајно туку да не ги иритирам колегите од Грција. Треба да се даде перспектива за НАТО и ЕУ. Ова е место камен темелник на Балканот и ако се размрда, се размрдува целиот Балкан.