Фотографија снимена вчера во Ријад, главниот град на Саудиска Арабија, го открива целиот хорор на режим кој, судејќи според сё, го нарача брутално убиство на новинарот Џамал Кашогги.
Имено, во Ријад вчера се одржа театарална средба на кралот и принцор на Саудиска Арабија со најстариот син на убиениот колумнист на Вашингтон пост, Џамал Кашогги.
Фотографија која зборува повеќе од зборови
Салах бин Џамал Хашоги, син на убиен новинар, беше фотографиран како се ракува со саудискиот крал Салман и неговиот син Мохамед бин Салман, де факто владетел на тоа кралство. Изразот на синот на убиенот новинар зборува повеќе од 1000 зборови, особено ако се земе предвид фактот дека му е забрането да ја напушта Саудиска Арабија.
Потсетуваме, Џамал Кашоги беше убиен во саудискиот конзулат во Истанбул. Иако Саудијците во почетокот отфрлаа дека се случило такво нешто, конечно признаа дека Кашоги бил убиен во нивниот конзулат. Турските медиуми, очигледно во соработка со тајни служби и истражители, објавија серија застрашувачки детали за убиството на Џамал Кашоги.
Колумнистот на Вашингтон пост, кој критички пишуваше за саудискиот режим и кралското семејство (на чие чело се наоѓаат горе спомнатиот крал и принц), најверојатно бил убиен на неверојатно брутален и садистички начин, а шансите дека принцот Мохамед бин Салман не знаел за ова ништо не е практично се непостоечки.
Убиството од кое замрзнува крвта во вените
Така неодамна од турските и американски медиуми дознавме дека по убиството, еден од саудиските агенти ја облекол облеката на Кашоги, за да се преправи како него, а потоа да излезе на задната врата на конзулатот, во обид да ја убеди турската полиција дека Кашоги навистина го напуштил конзулатот жив.
Исто така дознавме дека саудискиот принц Мухамед бин Салман го повикал новинарот додека бил уапсен и опкружен со саудиски агенти. Кашоги, наводно, го одбил барање на принцот да се врати во Саудиска Арабија, од каде што избегал во САД минатата година, поради страв дека ќе биде уапсен за критикување на режимот. Агентите после тоа брутално го убија – според извори од турската влада кои го слушнале наводниот звук или видео од убиство во конзулатот после измачувањето.
Според извештаите на турските медиуми, неговото тело е распарчено. Неговата глава отсечена, а според турските медиуми, делови од неговото тело најверојатно биле погребани во блиската шума, каде што бил пронајден напуштениот автомобил на Саудискиот конзулат.
Убиството, по секоја веројатност, било внимателно планирано. На него присуствувале 15 саудиски агенти, вклучувајќи и форензички лекар специјализиран за обдукции, кој пристигнал во Истанбул со пила за коски. Според еден независен британски портал за вести од Блискиот Исток, Middle East Eye, саудиски форензичар со пила за коски, започнал да го сече телот на Кашоги додека сеуште бил жив.
Врескал борејќи се за својот живот
Кашоги врескал борејќи се за својот живот, а престанал да вреска дури кога му била инјектирана инекција со непозната супстанција. Саудискиот форензичар, наводно, претходно ставил слушалки на ушите, за да не ги слуша криковите од мачењето на Кашоги, а истото ги советувал да го направат и другите агенти од овој одред за егзекуција.
Саудискиот обид да го скрие ова ужасно убиство беше толку лошо што дури и американскиот претседател Доналд Трамп, кој има стотици милијарди причини да им прогледа на Саудијците низ прстите, изјави дека ова е “најлошо прикривање во историјата”. За тоа во прилог зборува неверојатната теза дека, која откако стана јасно дека повеќе не можат да го негираат убиството на новинариот, која Саудијците ја пласираа во јавноста, во кое се вели: Кашоги во конзулатот се “степал и случајно бил задавен”.
Вистинска слика на ужасот наречен Саудиска Арабија
Дека лицемерието на кралското семејство во Саудиска Арабија, нема граници покажува и податокот дека принцот престолонаследник, кој речиси сигурно го нареди убиството на Џамал Кашоги, вчера изрази длабоко сочувство за време на театралната средба со синот на убиениот новинар. Саудиската новинска агенција, која е строго под контрола на режимот, во речиси надреален извештај додаде дека синот на убиениот новинар, за возврат на принцот и кралот на Саудиска Арабија “изрази искрена благодарност”.
Да повториме уште еднаш, синот на брутално убиен и искасапен новинар, на кој му е забрането да ја напуштат Саудиска Арабија, вчера беше принуден да се ракува со човекот кој сигурно го наредил убиството на неговиот татко. И како тоа да не било доволно, бил принуден да изрази благодарност на човекот кој нареди неговиот татко да биде измачуван и искасапен.
Колку и да е убиството на Џамал Кашоги застрашувачко, принудувањето на неговиот синот пред камерите да се ракува со нарачателот на ова убиство е речиси уште пострашно. Изразот на очите на Салах Кашоги снимен вчера во Ријад најдобро го опишува хоророт наречен Саудиска Арабија.