Потребна е кристално јасна и чиста правна и политичка процедура за промена на Уставот, порача претседателот Пендаровски во својот говор пред пратениците, а притоа побара конкретни резултати во борбата против корупцијата и упати критика до правосудството за скандалозните одлуки.
Европските интеграции, уставните измени и корупцијата беа централните теми на кои претседателот Стево Пендаровски обрна најголемо внимание во неговото традиционалното годишно обраќање пред пратениците во Парламентот. Тој во своето четврто обраќање пред пратениците откако стапи на функцијата, најпрвин се осврна на таканаречениот француски предлог со кој беше кренато бугарското вето за почеток на преговорите со ЕУ и кој, како што рече Пендаровски, предизвикал протести и длабоки поделби во земјата.
Во атмосфера на жестоки политички тензии и дилемата „да се биде или не“ за нацијата и за државата, според Пендаровски, се покажало дека одлуката да се прифати францускиот предлог не е ниту историски триумф, ниту историски дебакл. Бројните контроверзи околу предлогот, како што посочи претседателот, биле поврзани со стравот од идентитетска закана за македонскиот народ и јазик.
Повеќе на РСЕ