Настрана….

Екс-премиерот на Македонија (Macedonia), Никола Груевски (Nikol Gruevski), им го честиташе празникот Рамазан (Ramadan), на сите верници. Тој посака лесен пост, здравје, мир и подобар живот за сите, на официјалната Фејсбук (Facebook) страна.

https://www.facebook.com/NGruevski/posts/10158373926562716?__xts__[0]=68.ARBmK9U32RDPxMuD7N9DgqjRzHlKXUmnEzv07_W5wdSJeHOHYW0FyJ2YenTGcd83YS55F1wvUxwEfnZF5Ejdsf907TToem5yfP3QuMX-t4rbBHCC1sRZOHrlgNs54VuiDEkShbqgmGukpzAabnY7TpKrhqlnfmrt6S8ZjZBrzPR7mDt01G0rf4PkEwyDd3WBlOnFL4Ip948q1ANzL_lV40t7UMZWZVoB3PvVVnx8dxKMm_X8Q6lLNHpgF31k7lTSMDsd8r8Lcbc-0Ci7VbT93j8vavhLw-5vIp5dDUPxqlRO_G1S-0WR-DJROJ5VHY_tu3E5lQAKBiR-tw&__tn__=-R

Цената на златото допрва ќе расте. Се очекува скок на цената на златото од 1.695 долари за унца 2.020, која следната година би се зголемила за 2.063 по унца. Цената во претстојниот период би можела да се покачи од сегашните 2.000 на 3.000 долари по унца.
Експертите објаснуваат дека затоа што договорите и очекувањата за економските резултати, како и фискалните трошоци се зголемуваат, билансите на централната банка се дуплираат, а цврстите валути ќе бидат под притисок. „Поради тоа, инвеститорите ќе ја зголемат побарувачката за злато, велат финансиските експерти.
За 15 месеци цената имаше раст од 10 отсто.

Vecer.press

Група демонстранти го игнорирале физичкото растојание и ја опколиле канцеларијата на локалната самоуправа во Владикавказ во јужна Русија. Варајќи укинување на коронавирусниот карантин при што дошло до судир со полицијата.

Видеата од плоштадот Фридом во главниот град на Руската Република Северна Осетија покажуваат демонстранти кои се обидуваат да ги пробијат полициските кордони притоа фрлајќи камења кон полицајците во целосна опрема.

Несанкционираниот митинг започна напладне во понеделникот кога група луѓе се собрале пред администрацијата, каде само неколку лица носеле маски за лице и стоејќи многу блиску едни до друг. Биле релативно мирни и извикувале само пароли, барајќи непосреден крај на карантините, како што, тврделе дека истиот ги остави без егзистенција. Демонстрантите исто така повикаа на оставка на шефот на републиканците Вјачеслав Битаров и ослободување на притворениот активист Вадим Челдиев.

Челдиев, поранешен оперски пејач претворен во лидер на противниците на коронавирусот  на Северна Осетија, беше уапсен минатата недела за ширење лажни информации за „Ковид-19“. Во видеата што ги објави на Интернет, тој инсистираше на тоа дека болеста не е реална опасност по здравјето. Тој исто така ја нападна реакцијата на Битаров во однос прашањето на пандемијата – и покрај мерките за заклучување во Северна Осетија исто како и на друго место во Русија – и ја повика јавноста да протестира против карантинските мерки.

Групата во Владикавказ станала поагресивна како што се зголемувала. Локалните власти ја проценија излезноста на 200 лица, но локалните медиуми дадоа различни проценки – до 1.500. Властите очигледно не очекуваа толку голем собир среде заклучување, додека присуството на полицијата не беше доволно за да ги задржи луѓето да се обидат да стигнат до седиштето на владата.

На крајот, Битаров морал да излезе од зградата и да се обрати на разгневената толпа. Шефот на републиканците се обиде да објасни дека заклучувањето е неопходна мерка и дека останувањето во затворен простор е единствениот начин да се запре ширењето на коронавирусите. Но, многумина не сакаа да го слушаат. Северна Осетија досега има заразено 177 лица и два смртни случаи како резултат на оваа болест.

Пред заминувањето, Битаров посочи дека демонстрантите треба да изберат претставници меѓу себе за да преговараат за решавање на кризата. Но, појавата на висок службеник во Северна Осетија не беше доволна за да ги растера луѓето. Останаа на плоштадот, некои во судири со полицијата, кои дотогаш добија засилувања. Локалните медиуми објавија дека апсењата биле извршени пред да завршат протестите.

https://youtu.be/4bE4nncT0g0

Властите во Париз затворија делови од водоводната мрежа откако беа пронајдени во водата беа пронајдени траги од вирусот корона а која се користи за миење на улици и наводнување на градското зеленило.

Собранието на Град Париз соопшти дека водата за пиење во градот е целосно безбедна и здрава.

Градската лабораторија, одговорна за контрола на квалитетот на водата во Париз, открила „мали траги“ на примероци од четири од вкупно 27 водоводни цевки што поминуваат низ вода што не се пие.

Тој дел од системот за водоснабдување е целосно одвоен од системот за вода за пиење, соопшти АП.
По ова откритие, градските власти привремено го стопираа протокот на непитка вода на јавни места и го заменија со вода за пиење.

Водата за пиење се зема од реката Сена и еден приточен канал и се користи за миење на улици, наводнување паркови и во поединечни градски фонтани.
АП наведува дека сите париски фонтани и паркови во моментов се затворени како дел од владините мерки за спречување на ширењето на коронарниот вирус.

Засега не е познато дали Covid-19 се пренесува преку вода, додава истиот извор, потсетувајќи дека американскиот центар за контрола на болести и други експерти велат дека нема докази дека вирусот може да се зарази преку дигестивниот тракт.

ВАН (АА) – Островот Акдамар на езерто Ван, во истоимената област во источна Турција, кој е затворен за посетители во рамките на мерките преземени против новиот вид коронавирус Ковид-19, фасцинира со уникатната убавина и шарените цветови на бадемите, пишува Агенција Анадолија (АА).

Островот Акдамар во текот на зимската сезона е покриен со снег, а со доаѓањето на пролетта природата добива прекрасна зелена боја.

Со уникатната сина боја на езерото Ван и небото и со расцветување на бадемите, Акдамар станува уникатно место за љубителите на природата.

Островот, кој е затворен за посетители во рамките на мерките против Ковид-19, е вистински празник за очите.

До островот се стига со 20-минутно патување со брод од областа Геваш.

Со интегрирањето на сините води на езерото, снегот што сè уште не е стопен на планината Артос и шарените цветови на бадемите создава прекрасна атмосфера.

Некои фоторепортери со специјална дозвола од Кабинетот на гувернерот ги фотографираат историските и природните убавини на островот.

Anadolu

ДИЈАРБАКИР (АА) – Необичната врста лалиња, чии цветови се свртени надолу, познати и како „плачот на невестата“, во областа Ергани во турски Дијарбакир расцветаа со пристигнувањето на пролетта, јавува Агенција Анадолија (АА).

Во јавноста овој вид лалиња го преставуваат „плачот на невестата“ која не успеала да го освои својот сакан.

Според христијанското верување, овој вид свртени лалиња го симболизираат Христовото распнување и солзите на Дева Марија.

Овој вид лалиња расцветаа на планината Сакиз.Тешко е да се стигне до нив бидејќи се наоѓаат во руралните предели.

Свртените лалиња познати како „плачот на невестата“ расцветуваат во портокалова, црвена и жолта боја.

Тие привлекуваат внимание и кај локалното население и кај љубителите на фотографијата.

Овие цвеќиња се специфични за Анадолија и нивниот цвет трае околу 20 дена.

Anadolu

Одлуката на Министерството за земјоделство, шумарство и водостопанство за забрана за движење низ шума и шумско земјиште која стартува од денеска многу ги изреволтира планинарите и љубителите на природата од нашата земја.

Забраната почна да важи од утрово и ќе трае сè до нејзино отповикување.

Тие се разочарани од оваа одлука, која обично се спроведува во текот на летните месеци кога температурите достигнуваат и до 40 степени.

Со реакција излезе и Федерацијата на планинарски спортови на Северна Македонија, на чело со претседателот Јовица Угриновски. Оттаму оваа одлука ја оценија како крајно нерационална.

„Федерацијата за планинарство на Северна Македонија (ФПСМ) е крајно изненадена и разочарана од вашата избрзана, необмислена и нерационална одлука целосно да се забрани движењето на граѓаните во природа и во шумите кои се национално богатство и им припаѓаат на сите граѓани. Причината која е наведена за донесување на ваквата одлука е крајно нерационална со оглед дека месец април и мај се највлажните месеци во годината, а на повеќето планини се уште има снег“, се вели во официјалното соопштение на ФПСМ.

Дејан Доневски, претседател и водич од планинарскиот клуб „Ај лов хајкинг груп“ смета дека оваа одлука не е паметна и е лош потег на надлежните институции.

„Одлуката за забрана за движење во шума поради пожари е тотално донесена бесправно и воопшто не е паметна. Сето ова вроди голем револт кај нас планинарите, затоа што ние сме на терен на планините и ја знаеме целата ситуација со што слободно можете да ја наречете наша експертиза и нашиот глас треба да се слуша кога станува збор за нив. Пожари каде се уште има снег не може да има, а дополнително од понеделник има најавени врнежи од снег и дожд со што шансите за пожар се невозможни. Трета работа е што на температура од 8 степени не може да се прошири пожар, дури и да е намерно подметнат“, смета Доневски.

Тој додава дека целокупниот свет кој тренира во надворешни услови треба да излезе и да каже дека оваа мерка треба да се смени.

„Инаку во овој период има потпалување на пасиштата што цел век ги спроведуваат овчарите. Има многу диви сечи, за кои само ние пријавуваме како луѓе на “терен“, се што е неправедно кон мајката природа ние гледаме да го поправиме. Забрана за движење во група од максимум 2-ца поради пожар е тотално лош потег на МШ или владата на РМ, која може да стои зад забраната. Подобро е 100 луѓе во маркет или 2-ца на планина? Доколку е поради пожар, тогаш мерката не е воопшто на место, но, доколку има позадина, тогаш ќе мора целокупниот свет кој тренира во надворешни услови да излезе и да им кажеме дека оваа мерка треба да се смени“, посочи тој.

Лиценцираниот планинарски водич Марио Шаревски смета дека оваа мерка може да доведе до нерасположение и депресија.

„Оваа мерка не е нова и се воведува секоја година во екот на шумските пожари, меѓутоа нејзиното воведување токму сега, во овој период на секојдневни се построги забрани, ограничувања и казни е крајно претерана, непотребна и неиздржана. Дополнително може да има и лошо влијание кон здравјето во телесна и душевна смисла, на намален имунитет и болежливост и зголемена потиштеност, нерасполжение и депресија“, вели Шаревски.

Тој вели дека планинарите и велосипедистите се големи љубители на природата и многу ја чуваат од нејзино загадување.

„Овие лица се големи љубители кои ја чуваат и сакаат природата, впрочем и ние во рамки на планинарски акции вршиме пошумување и садење на дрва и чистење на отпадоци. Токму одењето на планина и во шума е поволно согласно препораките, затоа што големото пространство (со чист воздух) овозможува и поголема можност за просторна оддалеченост и растојание со што нема никаква опасност од зарази кои се актуелни во периодов. Конечно и условите на теренот не дозволуваат можност за поголеми пожари, за разлика од лани кога во месец март беше многу топло и имаше сува трева и неколку пожари, сега по неодамнешните обилни врнежи од дожд и снег се уште има многу влага на почвата, тревата, дрвјата како и се уште има снежна покривка над 1500 метри со што не би било можно да се предизвика пожар од посетители како планинари, велосипедисти, рекреативци, оние злонамерници кои палат пожари со некоја цел имаат голема логистика за да предизвикаат еден пожар“, посочи Шаревски.

Како што додаде тој, ќе се реагира со петиција за надлежните да ја повлечат оваа мерка, за како што вели, со цел да го зачуваат и подобрат нивното здравје.

Група планинари напишаа протестно писмо со барање да се укине оваа забрана, а истото ќе биде испратено и до Министерството за земјоделство, шумарство и водостопанство.

„Со големо разочарување ја примивме веста објавена на 16 април 2020 за воведување забрана за движење во шума и шумско земјиште од 6 до 20 часот, која стапи на сила на 17 април. Ги наведуваме следните аргументи заради кои сметаме дека оваа одлука треба да се преиспита и укине:

1. Бараме отчет врз база на која анализа, индикатори и аргументација се донесе мерката, без консултативен процес со засегнати страни – граѓаните, на тотално недемократски и авторитарен начин.
2. Сметаме дека оваа мерка не е целисходна– се објавува во период кога голем дел од планинските и шумските предели се се уште под снежна покривка или се со влажна почва од неодамнешните врнежи, а временските прилики не сугерираат поволни услови за ширење на пожари.
3. Планинарите и рекреативците не се закана за ширење на пожари – надлежните служби нека си преземат други ефикасни мерки, доколку доследно ги спроведуваат важечките закони и прописи кои се однесуваат на заштита на природата и на шумите.
4. Забраната за движење во шума и рекреативни места претставува кршење на човековото право на слободно движење и кршење на уставно право на граѓаните. Како одговорни институции кои го почитуваат правото, мерките треба да ги базирате на овие норми.
5. Огромен дел од населението во државата доследно ги спроведува посебните мерки на Владата за борба против епидемијата на Ковид 19 – се придржува кон забраните за движење во пропишаните часови и денови, полицијата реагира и санкционира прекршувања.
6. Тотално е неразумно Владата и институциите да воведуваат дополнителни отежнувачки мерки кои крајно негативно ќе влијаат на психофизичката состојба на значителен дел од популацијата, укинувајќи ги сите опции за разумно и одговорно изложување на сончевите зраци и благотворното дејство на кислородот и чистиот воздух. Препорака на Светската здравствена организација е да се носат мерки кои нема да бидат контраиндицирани со психофизичкото здравје на популацијата. Последнава мерка е токму таква – закана и ризик за влошување на психофизичкото здравје.

Поради ова, бараме под итно Министерството за земјоделство, шумарство и водостопанство ДА ЈА ПРЕИСПИТА СВОЈАТА ОДЛУКА ЗА ВОВЕДЕНАТА ЗАБРАНА И ДА ЈА УКИНЕ, со што ќе овозможи слободно движење во природните предели на државата, во шумите и на планините, на одговорни индивидуи чија единствена цел е зачувување на здравјето и уживањето во природа. Неодговорното однесување и прекршување на мерките во врска со ширење на заразата нека биде соодветно санкционирано!

Како сериозна Влада која треба да работи во интерес на граѓаните и своите политики да ги базира во функција на благосостојбата на граѓаните, сметаме дека треба да се има координиран пристап меѓу државните органи, а не поединечни министерства да носат на своја рака вакви изолирани, крајно авторитарни и контрапродуктивни одлуки.

Истовремено, апелираме до вас како надлежни во рамките на своите ингеренции да ги насочите своите капацитети и своите ресурси и да вложите напори за решавање на суштинските проблеми во земјава и вистинско зачувување на шумите и шумските предели од активности кои навистина ги загрозуваат“, се вели во писмото.

Во текот на утрешниот ден се очекува прес-конференција на Министерството за земјоделство, шумарство и водостопанство.

Оттаму порачаа дека Водно е изземено од одлуката за забрана на движење по шуми и шумските предели во државата, но во соопштението до јавноста е направен превид и тоа не е спомнато.

Izvor: Fokus