Настрана….

Министерството за национална одбрана на Турција соопшти дека во рамките на испораката на опремата на рускиот систем за одбрана „S-400“, десеттиот авион слета во воздухопловната база „Муртед“, во близина на Анкара, пренесува Anadolu Agency (AA).

Министерството за национална одбрана на Турција преку својот профил на Твитер истакна дека продолжува испораката на опремата за системот за воздушна и ракетна регионална одбрана со долг дострел „S-400“.

„Во рамки на испораката на опремата, десеттиот авион слета во воздухопловната база „Муртед“, во близина на Анкара“, објавено е на профилот на Твитер, и споделена е фотографија од авионот.

Гласноговорникот на Кабинетот на претседателот на Република Труција, Ибрахим Калин, рече дека не го заборавиле и нема да го заборават геноцидот во Сребреница, јавува Anadolu Agency (AA).

Калин на Твитер упати порака по повод одбележувањето на 24. годишнина од геноцидот во Сребреница.

„На денешен ден, пред 24 години, во геноцидот во Сребреница, пред очите на целиот свет убиени се повеќе од 8.000 невини луѓе. Нека е Божјата милост на шехидите. Не забоавивме и нема да го заборавиме овој геноцид, оние кои го извршија, поддржаа и оние кои го надгледуваа“, напиша Калин.

Во Меморијалниот центар во Сребреница – Поточари, пристигнуваат семејствата на жртвите на геноцидот извршен во јули 1995 година, кои денеска ќе присуствуваат на погребната молитва и закопот на посмртните останки на 33 новоидентификувани жртви.

Од утринава семејствата се простуваат од најмилите, по кои трагале 24 години.

Во геноцидот врз Бошњаците во Сребреница во 1995 година извршен од страна на војската на Република Српска, која доби помош од логистички формации на Србија, беа убиени најмалку 8.372 цивили.

Израел во првата половина од оваа година уби 16 деца во Појасот Газа, кој со години е под израелска блокада, пренесува Anadolu Agency (AA).

Според извештајот објавен од Центарот за човекови права „Ел-Мизан“, Израел во првата половина од оваа година убил 16, а повредил 1.223 деца.

Во извештајот се истакнува дека поголемиот дел од децата се убиени и повредени во текот на масовните демонстрации насловени „Големиот марш за враќање“ и дека во истиот тој период 17 деца биле притворени од израелските сили.

„Израелските сили систематски ги прекршуваат човековите права во Појасот Газа“, се вели во извештајот и се додава дека во првата половина на 2019 година е зголемен бројот на убиени и повредени деца.

Во извештајот се истакнува дека од конфликтите најмногу се погодени децата и дека тоа е одраз на неможноста на меѓународната заедница да ги исполни своите морални и законски обврски кон цивилите што живеат на палестинските територии, особено во окупираниот Појас Газа.

Турскиот претседател Реџеп Таип Ердоган, денеска, за време на Самитот на Процесот на соработка во Југоисточна Европа (SEECP) изјави дека Турција е засолниште за повеќе од 4 милиони бегалци, додека земјите на Европската Унија не можат да се договорат околу неколку десетици, јавува Anadolu Agency (AA).

Според податоците на ОН, потсетува Ердоган, потрошувачката на Турција за згрижување на бегалците надминала 37 милијарди американски долари.

„Нашата земја по прашањето достава на хуманитарна помош во однос на националниот приход, веќе две години е прва во светот. Турција, во рамките на борбата против нерегуларните миграции од 2005 до 2017 година, спречи преминување на над милион лица, а во голема мерка ги намаливме трагедиите во Егејското Море, што претставува непроценлив придонес за безбедноста на Балканот и цела Европа“, изјави Ердоган и потсети на неисполнетото ветување на ЕУ за помош на Турција во згрижувањето на бегалците.

Ердоган порача дека успехот на Процесот на соработка во Југоисточна Европа не е важен само за земјите учеснички, туку и за мирот, стабилноста и просперитетот на целиот европски континент.

„Овој процес истовремено даде и критичен придонес на самиот процес на интеграции на земјите на Западен Балкан во евроатлантските институции. Турција секогаш пружала и ќе продолжи да пружа поддршка на интеграцијата на земјите на Балканот со евроатлантските институции“, појасни Ердоган.

Одлуките на Европската Унија во врска со преговорите за членство на Северна Македонија и Албанија, директно ќе се одразат на иднината на целиот регион, смета Ердоган, и додаде: „Поради тоа, спроведувањето на овие процеси надвор од рамките на претходните ветувања, ќе им наштети како на мирот и стабилноста на регионот, така и на довербата во Европската Унија.“

„Во последно време гледам дека политиката на проширување на Европската Унија е блокирана од некои кратковиди популистички кругови – негативните правци на поделба и дискриминација кои се шират низ овој континент во последно време не претставуваат опасност само за внатрешниот мир на Европа туку и опаснот за иднината регионот да биде надеж за многумина. Верувам дека европските лидери ќе дејствуваат на визионерски начин и ќе го поддржат идеалот на интеграцијата на Балканот во Европската Унија“, изјави турскиот претседател.

Тој изрази задоволство дека земјите основачи на овој Процес постигнале согласност Турција во периодот 2020-2021 година да преземе мандат над претседавањето со овој Процес. Како мандатот за претседавање со Организацијата за исламска соработка (OIC) и Процесот Г-20, како што рече Ердоган, Турција на најдобар начин ќе го реализира и претседавањето со Процесот на соработка на Југоисточна Европа.

„За време на нашиот мандат ќе работиме на јакнење на регионалната заштита и регионалната сеопфатност; исто така ќе се фокусираме на прашањата како што се миграциите, зголемувањето на квалитетот на човечките ресурси, проширувањето на транспортни и комуникациски рути во регионот“, изјави Ердоган.

Турскиот претседател потсети на потребата на воспоставување на постојан секретаријат при СЕЕЦП, чие седиште, според досегашните кандидатури, би требало да биде Истанбул или Софија.

Автопатот Сараево – Белград, како што изјави Ердоган, е од стратешка важност за целиот регион и целта со овој проект на мир е да се поврзат овие два центри на Југоисточна Европа.

Ердоган потсети дека Турција потпишала меморандуми за соработка со Србија и БиХ во врска со изградбата на тој автопат, велејќи дека очекува што побрз почеток на изградбата.

Претседателот на Турција изјави дека ваквите и слични проекти ќе ја зајакнат конкурентноста на земјите на регионот на странските пазари.

Ердоган изјави дека е многу важно да станат регион кој ќе ги поттикнува технолошките иновации кои ќе ги задоволуваат економските услови на 21 век.

Ердоган му честиташе на Косово на преземењето на претседавањето со Процесот на СЕЕЦП

Портпаролот на Иранската агенција за атомска енергија, Бехруз Кемалвенди, истакна дека неговата земја ја надминала вредноста од 4,5 проценти при производството на збогатен ураниум, пренесува Anadolu Agency (AA).

Говорејќи за Новинската агенција на ирански студенти (ИСНА), Кемалвенди рече: „Утринава Иран ја надмина стапката од 4,5 отсто при производство на збогатен ураниум“.

Кемалвенди рече дека произведениот ураниум е со таа стапка со цел да се задоволат потребите на моќните реактори во земјата.

Нуклеарниот договор, исто така, познат како Заеднички сеопфатен договор (JCPOA), потпишан меѓу Иран и 5 постојани членки на Советот за безбедност на Обединетите нации и Германија во 2015 година, му дава право на Техеран да ја продолжи својата активност за збогатување на ураниум со стапка од 3,67 отсто.

Администрацијата на Техеран по едностраното повлекување на САД од нуклеарниот договор истакна дека не може да ги постигне своите интереси поради економските санкции од САД и затоа од другите потписници на договорот (Русија, Кина, Англија, Германија и Франција) побара да обезбедат Иран да може да си ги обезбеди своите интереси. Во случај ако не се исполнат тие обврски, Иран најави дека нема да ги исполни обврските од договорот во однос на стапката на збогатување и количеството на производство на ураниум.

Потпретседателот на Турција, Фуат Октај, денеска предупреди против потценувањето на Турција во Источниот Медитеран или прекршувањето на нејзините права и правата на оние во Турската Република Северен Кипар, јавува Anadolu Agency (AA).

„Оние кои одат против легитимните права на Турција и Турската Република Северен Кипар или ја отфрлуваат Турција во регионот, нема да бидат во можност да ги постигнат нивните цели“, изјави Октај во Лефкоса.

Октај, кој се наоѓа во Турската Република Северен Кипар за билатерални економски средби, зборуваше во врска со протестирањето на Турција против едностраното истражување на енергијата од страна на кипарските Грци, и која испраќа свои бродови за сондажа, а на чиј екипаж грчки Кипар се заканува.

Турција постојано нагласуваше дека кипарските Турци исто така имаат права на ресурси во регионот и дека Анкара има право да спроведува активности за истражување и сондажа.

Осврнувајќи се на економијата на Турската Република Северен Кипар, Октај ја нагласи потребата за фискална дисциплина.

„Очекуваме да бидат преземени конкретни чекори што е можно поскоро“, додаде тој.

Во 1974 година, по државниот удар, со цел да се анектира Кипар од страна на Грција, Анкара мораше да интервенира како гарант. Во 1983 година беше основана Турската Република Северен Кипар (ТРСК).

Во текот на неколку децении оттогаш постоеја неколку обиди за решевање на кипарскиот спор, при што сите завршија со неуспех. Последниот, кој се одржа со учество на земјите гаранти – Турција, Грција и Велика Британија, заврши во 2017 година во Швајцарија.

Парламентарната комисија за надворешни работи во Големото народно собрание на Турција (ТБММ) даде зелено светло за Предлог-законот за тоа Протоколот за членство на Република Северна Македонија (РСМ) во НАТО да се стави на дневен ред на Парламентот за ратификација, јавува Anadolu Agency (AA).

Комисијата одржа состанок под водство на претседателот на комисијата, Волкан Бозкир, кој е пратеник на АК Партијата во турското Собрание.

На состанокот беа разгледани 10 предлог-закони, од кои 8 беа одобрени, меѓу кои и Протоколот за членство на Северна Македонија во НАТО.

Потсетуваме, претседателот ТБММ, Мустафа Шентоп, за време на неговата посета на Северна Македонија истакна дека Протоколот за членство на Република Северна Македонија во НАТО за максимум еден месец ќе се ратификува на генералната седница на Собранието.

Земјите-членки на НАТО го потпишаа Протоколот за пристапување на Северна Македонија во оваа алијанса на 6-ти февруари оваа година. За да стане полноправна земја-членка на НАТО, Протоколот за пристапување треба да биде ратификуван во парламентите на сите членки на Алијансата.

Случајот во кој Обединетите нации (ОН), без знаење на членките потпишале Акционен план со терористот на ПКК, Ферхат Абди Шахин, кој е командант на таканаречените СДГ кој ги контролира терористичката организација ПКК/ПЈД/ЈПГ, Турција го опиша како исклучително очаен потег во име на ОН, и го осуди, пренесува Anadolu Agency (AA).

Во соопштението на Министерството за надворешни работи на Турција се наведува дека остро го осудуваат тоа што Вирџинија Гамба, специјалната претставничка на ОН за деца и вооружени конфликти, се состанала и потпишала договор со терористот на ПКК, Ферхат Абди Шахин, во канцеларијата на ОН во Женева.

„Случајот во кој Гамба, без знаење на членките, во канцеларијата на ОН во Женева потпишала Акционен план со терористот на ПКК, Ферхат Абди Шахин, кој е таканаречен командат на СДГ под контрола на терористичката организација ПКК/ПЈД/ЈПГ, е исклучително очаен потег во име на ОН, и остро го осудуваме тоа“, се истакнува во соопштението.

Се истакнува дека по овој случај, Турција веднаш ги презела потребните иницијативи во рамки на институциите на ОН.

„Необјасниво е ОН, кои треба да бидат во првите редови во борбата против тероризмот, да постигнат договор со една терористичка организација. Оваа состојба е отворено прекршување на резолуциите на ОН во врска со тероризмот, од страна на самите ОН“, се додава во соопштението на турското Министерство за надворешни работи.

Се нагласува дека тоа што ОН потврдиле оти терористичката организација ПКК/ПЈД/ЈПГ извршила најтешки злосторства, меѓу кои и присилно регрутирање на деца, е важно бидејќи уште еднаш се откриваат работите кои ги извршила оваа терористичка организација.

Соопштението истакнува дека никако не е прифатливо ОН да соработуваат со вакви крволочни терористички организации за да го решат овој проблем.

Инаку, со официјална церемонија ОН потпишаа договор со терористичката организација ЈПГ/ПКК, која го користи називот СДГ за ослободување на децата борци кои се наоѓаат во рамки на оваа терористичка организација.

„Со овој договор СДГ вети дека децата нема да ги користи како борци и дека ќе преземе мерки во оваа насока“, беше наведено во соопштението на ОН.

Според извештајот на ОН, во редовите на ЈПГ/ПКК во 2016 година имало 46 деца борци, додека оваа бројка во 2017 се зголемила за петпати, односно на 224 деца борци.

Претседателот на Реублика Турција, Реџеп Таип Ердоган, изјави дека развиените држави кои им држат лекции на другите за човековите права, не успеале да го положат главниот испит по човечност, јавува Anadolu Agency (AA).

Ердоган на прес-конференцијата која ја одржа во текот на Самитот Г-20 во јапонскиот град Осака, рече дека тероризмот е непријател на сите луѓе и на човечките вредности, и дека секоја држава мора да покаже подготвеност тероризмот да го нарече „тероризам“.

Турскиот претседател зборуваше и за сириските бегалци на кои неговата земја им пружа помош.

„Меѓународната заедница мора да го сподели товарот на бегалската криза за Турција да продолжи со својата помош и услугите“, додаде Ердоган.

Ердоган напомена дека целото човештво скапо ќе ја плати сметката поради заштитување на пучистите кои ја загрозуваат демократијата.

„Целото човештво ќе плати висока цена за заштитата на пучистите кои ја загрозуваат демократијата, под изговор на ’политички азиланти‘“, истакна турскиот претседател.

„Убијците на Кашоги мораат да бидат процесуирани во Истанбул, бидејќи случајот се случи во Истанбул“, рече турскиот претседател Ердоган. Додаде дека меѓународната заедница е должна да ги натера да одговараат сите оние кои се одговорни за убиството на Кашоги.

„Примарна задача на меѓународната заедница е за убиството на Кашоги да ја побара одговорноста на сите, од врвот до дното“, изјави Ердоган.

Турскиот претседател се осврна и на структурата на Обединетите нации (ОН), истакнувајќи ја потребата од нејзини промени.

„Не е во ред ваква структура, воспоставена во услови на Втората светска војна, да продолжи засекогаш“, истакна турскиот претседател.

Во врска со испораката на одбранбените системи S-400, Ердоган рече дека првата испорака ќе започне во јули, и дека сегашните очекувања се во таа насока.

„Во процес на испорака е, и на Турција не ѝ доликува да раскине договор во процес на испорака. Оваа работа е завршена“, додаде Ердоган.

Околу можните санкции од Соединетите Американски Држави (САД) кон Турција, Ердоган рече: „Со почитуваниот Трамп отворено зборувавме на оваа тема. Од него лично слушнав дека нема да има такво нешто.“

Претходно, во рамките на Самитот Г-20, турскиот претседател Ердоган се состана со претседателот на САД, Доналд Трамп.