Интересно

BYD го претстави најдолгиот електричен автобус во светот, K12A. Долг 27 метри, црвениот двозглобен автобус изгледа како гигантска гасеница.

Може да прими до 250 луѓе, достигнувајќи максимална брзина од околу 64 км / ч и над 299 километри на едно полнење. Автобусот замина во Колумбија, каде што ќе биде дел од TransMilenio брзиот транзитен систем (BRT), но исто така може да се придружи и на други BRTs.

Во Твит, BYD вети дека ова не е прво априлска шега. Можеме да им веруваме, бидејќи во јануари, компанијата го лансираше најголемиот светски електричен двокатен автобус. BYD му помогна на Uber да ги тестира електричните возила, а компанијата беше зафатена со производство на електрични автобуси.

Таа произведе повеќе од 50.000 во изминатите девет години.

Германскиот производител на автомобили „БМВ груп“ („BMW Group“), донесе одлука да развие соработка со „Мајкрософт“ („Microsoft“) за популаризирање на паметните фабрики и тие да се отворат за снабдувачите преку клауд-системи, пренесува Anadolu Agency (AA).

Според изјавата на овие две компании за време на Саемот за индустриски технологии „Месе“ во Хановер, со Отворената програма за производство (OMS), која ќе се создаде во рамки на оваа соработка, ќе се поддржуваат решенија за паметни фабрики (smart factory solutions).

Оваа соработка има за цел да го забрза развојот на индустрискиот интернет на нештата (IIoT) во иднина, да ја зголеми ефикасноста во производството, решавајќи ги широките индустријални предизвици, како и да се скрати времетраењето во производството.

Скот Гатри, потпретседател на „Мајкрософт клауд“ + „Ол груп“ („Microsoft Cloud“ + „AI Group“), истакна дека со БМВ ги обединуваат силите за трансформација на ефикасноста на дигиталното производство во автомобилскиот сектор.

„Нашата посветеност за градење отворена заедница ќе создаде нови можности за соработка низ целиот синџир на вредности на производството“, рече тој.

Отворената програма за производство ќе биде изградена на платформата „Microsoft Azure IIoT“, која БМВ веќе ја користи, и на овој начин ќе се овозможи учеството на другите засегнати страни како производители и снабдувачи.

БМВ веќе има 3.000 машини, роботи и автономни транспортни системи поврзани со својата сопствена платформа „IIoT“, која е изградена од страна на „Мајкрософт азура“ („Microsoft Azure“).

Привлече внимание тоа што соработката меѓу БМВ и „Мајкрософт“ дојде по чекорот на „Фолксваген“ („Volkswagen“) и „Амазон веб сервисес“ („Amazon Web Services“), кои минатата недела постигнаа договор за соработка, со цел развој на системите за производство и нивните процеси во 122 фабрики на еден германски производител на автомобили.

Шукрије Озбај, 107-годишна Турчинка од Шанлиурфа, и покрај доцните години, денес дојде на гласачкото место во тој град и го искористи своето право да гласа на локалните избори кои се одржуваат во Турција, јавува Anadolu Agency (AA).

Озбај на гласачкото место дојде во придружба на нејзината 80-годишна ќерка Емине Озбај.

По гласањето, 107-годишната Озбај за новинарите кратко изјави дека атмосферата на изборниот ден е преубава и посака многу среќа на сите кандидати.

„Иако имам многу години, му благодарам на Бога, здрава сум. Се надевам дека овие избори на сите ќе им донесат среќа. Мило ми е што гласав“, изјави Озбај.

Таа истакна дека гласала на сите избори од својата 18-годишна возраст.

Се смета дека Озбај е една од ретките лица кои учествувале на сите избори во Турција.

Вкупно 12 политички партии учествуваат на изборите на кои граѓаните денес бираат локална власт за мандат од пет години. На изборите учевствуваат вкупно 73 независни кандидати за началничка функција, а право на глас имаат 57 милиони граѓани. Турција ја сочинуваат вкупно 81 област, меѓу кои 30 метрополи, вклучувајќи ги Истанбул и Анкара.

Во 30 големи градови на Турција регистрирани се 44.212.704 гласачи кои денес ќе гласаат на 142.777 гласачки места. Во преостанатите 51 град се регистрирани 12.837.077 гласачи кои ќе гласаат на 51.851 гласачко место.

Гласачите во Турција бираат градоначалници во големите градови, началници на општини и градски или покраински и општински совети. Гласачите ќе бираат и најниски инстанци на локалните власти во Турција, односно старешини или мухтари и совети на повозрасни лица.

Францускиот претседател Емануел Макрон изјави дека признавањето на израелскиот суверенитет над окупираните Голански висоравнини спротивно е на меѓународното право и само ја зголемува тензијата во регионот.

Во изјавата од Елисејската палата, францускиот претседател Макрон вчера во Париз се сретнал со Јорданскиот крал Абдула II.

На средбата било нагласено дека двете земји се решени да ја зајакнат билатералната соработка во борбата против тероризмот. Двајцата лидери се согласиле за важноста да се најде политичко решение за ситуацијата во Сирија, или дека во случај на неразбирање на сеопфатно политичко решение во таа земја, нема да биде можно да се воспостави мир.

За време на состанокот, исто така, се разговарало и за неодамнешната американска одлука за признавање на израелскиот суверенитет над окупираната сириска територија на Голанските висоравнини.

Францускиот претседател Макрон изјави дека признавањето на израелскиот суверенитет над окупираните Голанските висоравнини представува кршење на меѓународното право и само ја зголемува тензијата во регионот, се вели во соопштението.

Американскиот претседател Доналд Трамп во понеделникот потпиша декларација дека официјално ја признава Голанската висоравнина израелска територија.

Израел окупираше две третини од сириската Голанска висоравнина за време на шестдневната војна во 1967 година и прогласи анексијата на тој регион во 1981 година. Според меѓународното право, Голанските висоравнини имаат статус на конфликт на окупирана територија.

Турската агенција за соработка и координација (ТИКА) додели донација во областа на земјоделството во селата при општините Прилеп и Могила, јавува Anadolu Agency (AA).

Во рамки на „Проектот за развој на одгледувањето на зеленчук во пластеници“ реализиран под мотото „Продуктивни жени“, ТИКА додели опрема за стаклена градина и семе од зеленчуци со голема плодност.

Координаторот на ТИКА во Скопје, Ајтекин Ајден, во изјава за медиумите истакна дека 100 земјоделски семејства добиле средства од оваа поддршка за земјоделството.

Ајден информираше дека овој проект под мотото „Продуктивни жени“ го започнале со цел давање придонес во економијата на семејствата.

Тој нагласи дека во овие рамки македонските, бошњачките и турските семејства во овие села добиле опрема за пластеници од 125 метри квадратни по семејство.

Ајден рече дека нивната приоритетна цел е подобрување на економската состојба на семејствата на жените што живеат во овие две села.

„Производите како домат и пиперка со висок квалитет на семе што ќе се произведуваат во овие пластеници, се предвидува да се продаваат во продавниците на „Рамстор“, кој е наша комерцијална компанија која дејствува во Северна Македонија“, додаде тој.

Ајден изрази надеж дека и со овој проект ќе постигнат успех како и во претходните проекти, и истакна дека во изминатите години се доделени семиња од домат и пиперка со висок квалитет за 560 семејства во 72 села.

Според него, со денешната церемонија бројката на овие семејства достигнала 700 семејства.

„Нашата цел како ТИКА е да се овозможи придонес за економскиот развој, особено во руралните подрачја, да се зголемат семејните приходи и на овој начин да се спречи феноменот на мигрирање во последните години од Северна Македонија, за овие селани да го продолжат својот живот во овие места со зголемување на семејните приходи и да се зголеми нивото на благосостојбата“, додаде Ајден.

Тој нагласи дека во рамки на овој проект, доделиле 100 сета производи и опрема за пластеници.

– Селаните упатија благодарност до ТИКА

Фикрије Салиевска од село Будаково истакна дека одгледуваат тутун, лубеници, домати, пиперки и кромид. Таа изрази задоволство од оваа помош на ТИКА.

Од друга страна, Фатиме Салиевска упати благодарност до ТИКА и посака оваа помош да продолжи.

Шефика Сулејмановска од село Канатларци ја опиша како добра помошта на ТИКА од аспект на подобрување на нивните работни услови, и рече дека одгледуваат различни зеленчуци.

„Ѝ благодариме многу на турската заедница за помошта. Никој не ни покажал ваква хуманост да помогне на народот за да има услови за работа“, рече таа.

Јасмина Настовска, мајка на три деца, исто така упати благодарност до ТИКА поради дадената помош.

„Благодарна сум на ТИКА што ни дава можност да можеме да се разработиме, да направиме фолија. Сепак е ова малку поголема инвестиција што ние не можеме да си ја дозволиме. Се надевам дека ќе има повеќе вакви инвестиции. И се надеваме дека ќе биде добро, ќе имаме добар плод“, додаде Настовска.

Гонџа Текешановска истакна дека ваквите настани се многу убави. „Сè е добро со помошта на Турција било во областа на одгледување зеленчуци, било во областа на сточарството“, рече таа, истакнувајќи дека ТИКА врши добри работи.

(Дубаи – Портал) – Холандскиот истражувач Артур Бренд, кој се занимава со уметнички дела, денес изјави дека нашол вредна слика на познатиот сликар Пабло Пикасо која пред 20 години била украдена од саудиска јахта во Франција.

Бренд рече дека сликата „Биста на жена” од 1938 година е во негова сопственост од пред две недели, откако со години трагал по неа во Амстердам, објави АП.

Сликата чија вредност се проценува на 25 милиони евра ја предал на осигурителна компанија.

Бренд рече дека знаел дека тоа е вистинската работа штом ја видел.

„Знаете дека е Пикасо, бидејќи од неа избива некоја магија”, изјави детективот.

Овој Холанѓанец, познат како „Индијана Џонс“ во уметничкиот свет, меѓу другото има откриено чифт бронзени коњи направени за Адолф Хитлер.

Mahir Demişoski

(Дубаи – Портал) – Mомче кое има само 9 години направи еден необичен гест. Заштедата на своите родители ја подели со соседите.

Како што објави Феникс, со торба полна со пари, детето шеташе низ своето соседство во германскиот Бад Вилбел и ги делеше парите што ги зел од неговите родители. 

Ѕвонело на вратата на своите соседи и им нудело банкноти од по 50 евра, без да им каже чии се парите, детето рекло дека ги нашло парите. Некои соседи ги зеле парите,  сè додека не налетал на сосед кој случајот го пријавил во полицијата.

Утврдено е дека деветгодишникот земал 2.500 евра заштеда од неговите родители, при што поделил 260 евра.

Полицијата не даде детали како реагирале родителите кога дознале за случката.

Mahir Demişoski

Претставници на еврејската заедница порачаа дека на овој начин сакале да ја споделат болката со муслиманите после терористичкиот напад во Нов Зеланд.

Солидарноста со муслиманите по терористичкиот напад во Нов Зеланд продолжува низ целиот свет, а централната синагога во Њујорк во петокот му ги отвори вратите на муслиманите за да ја одржат неделната џума-намаз

Еврејската заедница во Њујорк ја отвори вратата на Централната синагога за муслиманите, која се наоѓа во 55-та улица во Менхетен.
Претставниците на еврејската заедница порЧ дека на овој начин сакаат да ја споделат болката со муслиманите по терористичкиот напад во Нов Зеланд.

– Ние сме соседи, ние сме пријатели, ја делиме вашата болка – порачаа тие.

За време на џума намаз,пред синагогата стоела една еврејка, која во знак со муслиманите ставила хиџаб. Исто така, таа во рацете дрежела држеше рачно напишана табла на која пишувало: “Вашите соседи Евреи со вас”.

После кланањето на џума-намаз, многу Евреи влегле во синагогата и ракувале со муслиманите кои извршиле намаз. Сите заедно испратија порака на единство.

(Дубаи – Портал) – Несекојдневен був со кратки уши, чија популација се намалува од време на време, е забележан и фотографиран во округот Оваџик од источната провинција Тунчели, близу населбата Пулур. Овој вид на був е активен во текот на ноќта и лови мали птици за да се прехрани.

Mahir Demişoski

Авионот, кој летал од саудискиот град Џеда кон Куала Лумпур, главниот град на Малезија, се врати назад во Џеда, поради тоа што жена патник кажала дека на аеродромот го заборавила своето бебе

(Дубаи – Портал) – Авионот, кој летал од саудискиот град Џеда кон Куала Лумпур, главниот град на Малезија, се врати назад во Џеда, поради тоа што жена патник кажала дека на аеродромот го заборавила своето бебе, пренесува Anadolu Agency (AA).

Во видео поставено на видеоканалот „Јутјуб“ („YouTube“), може да се види како пилотот на авионот кој лета кон Куала Лумпур, контактира со Центарот за контрола на летање во Џеда, и бара да слета назад.

Според информациите во малезиските медиуми, пилотот во видеото до Контролниот центар се обраќа со зборовите: „Патник го заборави бебето во чекалната. Може ли да слетаме назад?“

Одговорното лице во Контролниот центар, изненадено од ситуацијата, одговара: „Ве разбрав, може да се вратите. Првпат слушаме вакво нешто.“
По кратко летање авионот се врати на аеродромот „Крал Абдул Азиз“ во Џеда.

Нема информаци за тоа како жената го заборавила своето бебе на аеродромот.

Видеото од дијалогот меѓу пилотот и одговорното лице во Контролниот центар, на „Јутјуб“ досега има 50.000 прегледи.

Mahir Demiioski