Копа Америка

Аргентина го освои првиот трофеј на големите натпреварувања по пауза од 28 години, совладувајќи го Бразил со 1 : 0 во синоќешното финале на Копа Америка на стадионот „Маракана“ во Рио де Жaенеиро.

Голот на одлука го постигна Анхел Ди Марија во 22 минута.

Бразил во второто полувреме, кое донесе возбудлив фудбал, тргна во целосна офанзива, но ниту со пет напаѓачи на теренот не успеа да ја анулира предноста на противникот.

Победата ја донесе вкупно 15-та титула на Аргентина на Копа Америка со што Гаучосите се израмнија со Уругвај.

Најдобар стрелец на завршниот турнир со четири голови е аргентинскиот капитен Лионел Меси, кој, воедно, го освои првиот трофеј во репрезентативната кариера.

Аргентина и Бразил ќе играат во финалето (11 јули) на годинашното издание на Копа Америка. „Гаучосите“ ноќеска во Бразилија ја елиминираа Колумбија на пенали по нерешените 1:1 во основните 90 минути од средбата.

Водство на Аргентина ѝ обезбеди Лаутаро Мартинез во седмата минута по асистенција од Лионел Меси, а израмнувачкиот гол за Колумбијците беше дело на Луис Дијаз во 60-та минута.

Во пенал-серијата Аргентинците постигнаа три гола, а Колумбијците два.

Ден пред финалето ќе играат Колумбија – Перу за третото место на турнирот.

 „Nova“ Tv

Репрезентациите на Бразил и Перу го сочинуваат првиот пар за полуфиналето на Копа Америка.

Актуелниот шампион Бразил многу потешко од очекувањата се избори за место меѓу четирите најдобри.

„Кариоките“ славеа минимална победа над Чиле со 1-0, со голот на Лукас Патека на самиот почеток на вториот дел, откако фудбалерот на паузата го замени Фирмињо.

Перу пак дури по подоброто изведување на пенали во дуелот со Парагвај се пласира во полуфиналето.

Во регуларните 90-минути беа постигнати шест гола, а резултатот беше нерешен 3:3, по што во дополнителните 30-минути мрежите мируваа.

Во пенал серијата Перуанците реализираа четири наспротив трите погодоци на противникот, па Перу можеше да се радува на полуфинале со Бразил.

Тоа практично ќе биде дуел на селекциите кои пред две години играа за шампионскиот трофеј на јужноамериканското првенство, а тогаш Бразил ја освои титулата победувајќи со 3-1.

Вториот полуфнален пар ќе го дознаеме доцна вечерва откако на полноќ својата четвртфинална пресметка ќе ја започнат Уругвај и Колумбија, а во 3 часот по полноќ ќе стартува и последното четвртфинале во кое Аргентина ќе игра против Еквадор.

КОПА АМЕРИКА  1/4 ФИНАЛЕ
ПЕРУ –  ПАРАГВАЈ  4-3 пенали (3-3)
БРАЗИЛ  –  ЧИЛЕ 1-0
Недела
00:00 УРУГВАЈ – КОЛУМБИЈА
03:00  АРГЕНТИНА – ЕКВАДОР

1/2 финале
6 јули (вторник) Рио Де Женеиро
БРАЗИЛ – ПЕРУ   2 часот по полноќ
7 јули (среда) Бразилија
Уругвај / Колумбија – Аргентина / Еквадор  2 часот по полноќ

ФИНАЛЕ
11.јули (недела)

2 часот по полноќ

„Sitel“

После победите на Аргентина и Уругвај на последните натпревари од групната фаза, ги добивме сите двојки во четвртфиналето на „Копа Америка“.

Аргентинците го освоија првото место во групата благодарение на убедливата победа над Боливија (4:1), со двата гола на Лионел Меси кој запиша јубилеј, откако со 148 настапи стана играчот со најмногу настапи за Аргентина.

Меси ја затресе мрежата на Боливија во 33 и 42 минута, претходно Гомез после асистенцијата на Меси во шестата минута ја започна гол-серијата, додека конечниот резултат го постави Лаутаро Мартинез во 65 минута – само пет минути откако Саведра намали на 3:1 .

Уругвај стигна до второто место во групата благодарение на голот на Единсон Кавани против Парагвај во директна пресметка. Имено, играчот на Манчестер јунајтед ја затресе мрежата од белата точка во 21 минута за конечни 1:0.

Аргентинската селекција во четвртфиналето ќе игра против Еквадор, Уругвајците ќе ги одмерат силите со Колумбија, потоа Парагвај ќе се соочи против Перу, додека Бразил ќе бара полуфинале преку Чиле.

Sloboden pecat

Фудбалерите на Парагвај и Уругвај со победите од 2:0 против Чиле, односно Боливија доцна синоќа го обезбедија пласманот во четвртфиналето на „Копа Америка“.

Парагвајците го совладаа Чиле со головите на Самудио во 33 и Алмирон од пенал во 58 минута, додека Уругвајците стигнаа до првиот триумф во групата „А“ со автоголот на Кинтерос во 40 и погодокот на Кавани во 79 минута.

Парагвај сега е второпласиран на табелата во групата „А“ со шест бодови, односно има еден бод помалку од водечката Аргентина, Чиле е третопласиран со пет бодови, додека Уругвај е на четвртата позиција со четири бодови.

Репрезентацијата на Боливија е последна без бодови. Во последните натпревари од групата „А“ Боливијците ќе ги одмерат силите со Аргентина, а Уругвај ќе игра против Парагвај.

Од групата „Б“ досега пласман во четвртфиналето во ова јужноамериканско натпреварување обезбедија и селекциите на Бразил и Колумбија. Перу, Еквадор и Венецуела се борат за последните две четвртфинални места.

Sloboden pecat

Селекцијата на Перу запиша три бода против Колумбија на Копа Америка, откако победи со 1-2 (0-1) во Гојанија. Иако Колумбијците беа апсолутен фаворит за оваа средба, Перу успеа да приреди изненадување и да дојде до првата победа на турнирот.

По седуманесет минути игра, Серхио Пена го отвори резултатот откако искористи одбиена топка и Перу поведе со 0-1. Двете селекции во првиот дел имаа по една добра шанса, Квадрадо не го погоди голот за Колумбија, а Куева ја затресе стативата.

Репрезентативците на Аргентина со минимални 1.0 го совладаа Уругвај во второто коло од групата А на Копа Америка. Единствениот гол на натпреварот го постигна Гвидо Родригес во 13 минута по асистенцијата на Лионел Меси.

Во продолжение од натпреварот, Уругвајците имаа поголем посед на топката но се успеаја да шутнат ниту еднаш рамките на голот на Мартинез. Од друга страна, Аргентина имаше далеку повеќе шанси, но на крајот мораше да се задоволи само со еден гол кој им донесе три бода за прво место на табелата.
Во следното коло, „гаучосите“ ќе играат против Парагвај, додека Уругвајците ги очекува пресметка против Чиле кој со голотна Бред Беретон со 1:0 ја победија Боливија.

#CopaAmérica 🏆

⚽ El primer gol de Guido Rodríguez con @Argentina llegó gracias a un centro de Lionel Messi 😍

🇦🇷 Argentina 🆚 Uruguay 🇺🇾#VibraElContinente #VibraOContinente pic.twitter.com/aoJkwo6ghi

— Copa América (@CopaAmerica) June 19, 2021

„ Sloboden pecat“

Бразилските фудбалери продолжуваат со одлични игри на Копа Америка, а по Венецуела која ја совладаа со 3:0 во првото коло, нова жртва беше Перу, кој претрпе пораз од 4:0, пишува „Telegraf rs“, пренесува „Dubai-Portal“.

Нејмар повторно беше „прва виолина“ на тимот. „Танцуваше“ на теренот и повторно покажа каква мајсторија поседува во нозете.

Ова најдобро го почувствуваа играчите на Перу, со кои играше во една акција и слободно може да се каже дека ги понижуваше, бидејќи им ја туркаше топката низ нозе како што сакаше и ги полудуваше со дриблинзи, што го грубо го фаулираа и сопреа.

Jojojo. Tremendo esto de Neymar bailando con el balón y destrozando cinturas peruanas🔥🔥🔥pic.twitter.com/LaVIrBfLfw

— Manu Heredia (@ManuHeredia21) June 18, 2021

Нејмар постигна гол и за 2:0 во 68-та минута, што дополнително го приближи до  рекордо на Бразил по бројот на голови што ги држеше легендарниот Пеле, според многумина најдобриот фудбалер на сите времиња.

Нејамр заплака на прес-конференцијата по прашањето за Пеле и рекордот до кој е се поблизу, а солзите беа во неговите очи и во изјавата по мечот за ТВ-камерите.

„Овие бројки не се ништо друго освен целата радост што ја чувствувам кога играм за Бразил и ја претставувам својата земја. Во овој момент, сите поминуваме низ тежок период, мило ми е што сум пример за некои луѓе. Ја сакам приказната што ја пишувам со Бразил, сакам моето семејство и пријателите да бидат горди. Се надевам дека секој што ја сака оваа игра е горд на мене бидејќи бројките не значат многу, единствено што е важно е гордоста што ја чувствувам кога го претставувам Бразил“, расплакано изјави Нејмар.

[embedyt] https://www.youtube.com/watch?v=u9LY7_kRiRw[/embedyt]

Голот на Нејмар и неговите зборови го допреа и Пеле, кој му се обрати преку социјалните мрежи.

„Секој пат кога ќе го видам ова момче, насмеан е. Невозможно е да не се насмевнете и вие. Заразно е. Јас, како и сите Бразилци, секогаш сум среќен кога го гледам како игра фудбал. Денес тој направи уште еден чекор кон мојот рекорд во репрезентацијата. И навивам тој да стигне таму, со иста радост како кога го видов за прв пат“ ова се зборови што особено го трогнаа Нејмар.

 

View this post on Instagram

 

A post shared by Pelé (@pele)

„Telegraf rs“

„Dubai-Portal“