ЕВРО 2020

Фудбалерите на Белгија го елиминираа досегашниот бранител на трофејот Португалија, славејќи со 1-0 во вечерашниот дерби-дуел во Севилја за да се пласираат во четврт-финалето на Европското првенство.

Торган Азар беше стрелец на единствениот гол во 42-та минута од мечот кога биеше силно и прецизно од 20-тина метри.

Во последните минути од мечот Португалија неуспешно се обидуваше да дојде до изедначување, преку Кристијано Роналдо, Андре Силва и Бруно Фернадеш, додека Рафаел Гереро ја погоди стативата во завршницата.

Белгија во четврт-финалето ќе се сретне со Италија, која вчера беше подобра од Австрија 2-1.

Во првото денешно осминафинале Чешка ја совлада Холандија со 2-0, со головите на Томас Холеш и Патрик Шик во второто полувреме. Холанѓаните останаа со десетмина фудбалери на теренот по црвениот картон на Матијас де Лихт во 55-та минута, откако тој спречи изгледна противничка акција со намерно играње со рака. Чешка ќе се соочи со Данска во следната рунда.

„Nova Makedonija“

Се случи првото големо изненадување на ЕУРО 2020, силната Холандија која групната фаза ја заврши со три победи е елиминирана во осминафиналето од страна на Чешка, која во Будимпешта победи со 2:0.

Но, се можеше да биде поразлично доколку не се случеше оној непромислен и можеме да кажеме аматерски потег на Матајс Де Лихт, кој намерно играше со рака, а првично доби жолт картон, но по преглед на ВАР снимката, доби директен црвен и речиси цело второ полувреме ги остави своите соиграчи на цедило со и играч помалку.

Тоа прво го искористи Томас Холес во 68-та минута, стрелајќи за 1:0 по една гужва во шеснаесетникот на Холандија.

Конечните 2:0 ги постави Патрик Шик со гол во 80-тата минута, кој е негов четврт на ова Европско првенство со што тој се кандидира за титулата најдобар стрелец на првенството.

Нови два натпревари ќе се одиграат денес во рамките од 1/8 финалето на ЕВРО 2020 . Во центарот на вниманието е дуел на фаворитите и гигантите каде играат европскиот првак Португалија против Белгија на стадионот во Севиља.

Станува збор за две репрезенатции кои важат за фаворити за освојување на пехарот. Белгија важи за главен фаворит, со оглед на добрата игра во групата каде забележа три победи од три меча, но Португалија сигурно нема така лесно да се откаже од пехарот кој го брани. Натпреварот почнува во 21 часот.

Претходно во 18 часот се среќаваат Холандија и Чешка во Будимпешта. Холанѓаните важат за големи фаворити на овој меч. Ја завршија групата каде беше и нашата селекција со три победи од три меча, додека Чесите освоија четири бода (три со Шкотска и еден со Хрватска). и сигурно ќе ја бараат шансата против селекцијата која засега е максимална на ЕП, но има свои слабости.

Денеска од 18.00 часот ќе се игра првиот осминафинален натпревар на Европското првенство, на „Јохан Кројф“ Арената во Амстердам силите ќе ги одмерат селекциите на Велс и Данска.

Подобриот од дуелот помеѓу Велшаните и Данците во четвртфиналето ќе игра со победникот од мечот помеѓу Холандија и Чешка.

Данска преживеа сè за 270 минути фудбал во групната фаза, со голема помош на навивачите на „Паркен“ ја надмина кризата и покажа дека може да игра многу добар фудбал.

Велшаните стигнаа до полуфиналето на Евро 2016, но за Данска можеби е и „полесен“ патот до пласман меѓу осумте најдобри селекции на континенталниот собир годинава.

Ќе биде ова прва пресметка меѓу овие две репрезентации на големите натпреварувања, а во продолжение погледнете ги веројатните состави за денешниот натпревар:

Велс (4-2-3-1): Вард – Робертс, Мефам, Родон, Б. Дејвис – Морел, Ален – Бејл, Ремзи, Џејмс – Мур;

Данска (3-4-3): Шмајхел – Вестергард, Кјаер, Кристенсен – Маеле, Хојбјерг, Дилејни, Вас – Поулсен, Дамсгард, Брајтвајт.

„Sloboden pecat“

Неколку француски навивачи не успеале да присуствуваат на мечот Франција – Унгарија бидејќи наместо во Будимпешта, завршиле во Букурешт.

Група на Французи, вработени во ИТ компанија, слетале во Букурешт, и почнале да го бараат стадионот.

Во тоа им „помогнале“ навивачите на Украина кои исто така слетале во романската пресполнина во тој момент, па заедно се упатиле кон стадионот. Потоа шок. Поради неразбирање на јазикот, разбрале дека се 500 километри оддалечени од нивната крајна дестинација.

Французите купиле три карти за Букурешт, а три за Будимпешта, и на крајот сите завршиле во Романија. Агенцијата која им ги продала авионските карти, им кажала дека го добиле она што го барале, а тоа што не знаеле како се вика градот, тоа не било нивна грешка.

Tv21

Денеска на ЕУРО 2020 се играат два натпревари. Продолжуваат возбудувањата во групата „Д“ после кои ќе се знае конечната разврска. А, таму ништо не е познато ниту за првото и второто место, ниту, пак, за третата позиција.

Најголеми шанси за првите две позиции имаат Англија и Чешка, кои влегуваат во меѓусебната пресметка со четири бодови. Со нерешено и дефинитивно двете селекции одат понатаму, со тоа што Чесите би биле првопласирани, а Англија втора. Ако некој победи, ќе биде првопласиран а се очекува и тој што ќе загуби да оди во следната фаза.

Интересно ќе биде на вториот меч каде што Хрватска и Шкотска влегуваат во битка за 1/8 финалето. Нерешено не одговара никому, а кој ќе победи ќе направи голем чекор кон следната фаза. Со нерешено испаѓаат двете селекции, а во меѓусебниот меч влегуваат со еден освоен бод.

Дуелот меѓу Англија и Чешка се игра на „Вембли“, додека мечот меѓу Хрватска и Шкотска се игра на „Хемпден парк“ во Глазгов. Двата дуели почнуваат во 21 часот.

Tv „21“

Македонскиот национален тим со пораз се збогуваше од ЕУРО 2020. Холанѓаните со одлична игра во вториот дел, дојдоа до победата над Македонија, која во првиот дел одигра храбро. Му беше поништен гол на Тричковски, а потоа и Трајковски ја погоди стативата.

Холандија поведе со еден сомнителен гол, откако не беше досуден прекршок над Пандев, па од противнапад Депај погоди во мрежата на Димитриевски.

Во вториот дел Холандија излезе далеку помотивирана, па така Вијналдум во 51. и во 58. минута дојде до брзи два гола, и до 3:0. Вергорст ја погоди и пречката за поубедлив триумф на Холандија, а повторно беше поништен гол за Македонија, на Чурлинов поради офсајд.

Во 68. минута од мечот, моменти за историја. Горан Пандев беше повлечен од игра, па сите го поздравија македонскиот капитен кој го одигра последниот меч. Соиграчите направија шпалир, а беше поздравен и од премиерот Зоран Заев кој беше на трибините во Амстердам, како и некогашниот негов соиграч Весли Снајдер.

NovaTv

Денеска на ЕУРО 2020, за репрезентацијата на Македонија ќе биде последен натпревар, дуел за престиж, и можност за први и единствениот бодови. Денеска емотивен ден и за Горан Пандев, капитенот на националниот тим кој вчера најави дека го игра последниот натпревар за Македонија во кариерата.

Јасно е дека Македонија е веќе елиминирана што и да направи на денешниот дуел со Холандија во Амстердам, затоа што не може да стигне ниту една од селекциите на Австрија и на Украина кои имаат по три бода, затоа што е послаба во нивните меѓусебни пресметки. Токму Австрија и Украина во меѓусебен дуел во Букурешт ќе одлучуваат за второто место на табелата.

Најавата дека Холанѓаните ќе играат со резервен тим е шансата за Македонија да дојде до добар резултат од дуелот со фаворитот, а згора на тоа македонските фудбалери ќе „гинат“ и за достојно збогум на Горан Пандев.

Двата дуели од групата „Ц“ се играат во 18 часот.

Вечерва се играат и двата натпревари од последното коло во групата “Б“. Белгија е веќе пласирана со шест бодови, и денеска ќе игра против Финска во обид да дојде до нова победа. Данска, пак, ќе ги брка првите бодови во дуелот со Русија. Тука Русија и Финска имаат по три бодови, а Данска е без поен, па евентуален триумф на Данците може да придонесе за ист број на бодови на сите три селекции, и гол разликата и нивните меѓусебни дуели да одлучува за патникот во следната фаза.

Tv21