Претседателски избори во САД – 2020

Откако претседателот на Америка, Доналд Трамп, прогласи победа, најави и правна битка во Врховниот суд, а Бајден рече дека е на пат кон победа, сценариото што беше кошмар досега е сè поблиску до реалноста, пишува дописникот на Би-Би-Си од Ентони Цурчер

Трамп, во обраќањето до нацијата од Белата куќа, изнесе голем број обвинувања за изборни измами, додавајќи дека ќе „оди во Врховниот суд“.

Аналитичар на Би-Би-Си вели дека ваквиот развој на настаните се случува како „рецепт за горчина и долга правна битка“, што на крајот ќе ги натера гласачите на кандидатот што ќе ја изгуби таа битка да се чувствуваат измамени и лути.

Иако конечните резултати од изборите сè уште не се познати, она што е јасно по изборите е дека Америка останува длабоко поделена нација, посочува дописникот на Би-Би-Си.

Американските гласачи не го отфрлија јасно Трамп на кој било значаен начин, но тие не му дадоа силна поддршка на која се надеваше, додаде Цурчер.

Наместо тоа, се копаат ровови, а политичката војна ќе продолжи без оглед кој ќе победи на изборите.

„Dubai-Portal“

„Index“

Резултатите од американските претседателски избори и натаму не се познати. Трката е неизвесна до самиот крај, а секој глас е важен.

Американската сојузна држава Невада соопшти, без да даде образложение, дека го прекинува броењето гласачки ливчиња од претседателските избори во САД, до 5 ноември.

Државата во која трката меѓу американскиот претседател Доналд Трамп и неговиот демократски противкандидат Џо Бајден е многу тесна, денеска на Твитер објави дека за броење остануваат гласачките ливчиња по пошта добиени на денот на изборите, гласачките ливчиња по пошта кои треба да пристигнат во текот на наредната недела, како и привремените гласачки ливчиња.

Невада е една од шесте сојузни држави во кои не е познат победникот, заедно со Џорџија, Мичиген, Северна Каролина, Пенсилванија и Висконсин.

На Бајден му треба победа во најмалку три од овие држави за да победи, додека на Трамп му треба победа во најмалку четири од нив.

„Тешко е да се процени бројот на неважечки ливчиња во Невада, зашто на секој гласач му беше испратено гласачко ливче. Очигледно, не сите ќе гласаат“, објави на Твитер избирачката комисија во Невада.
Во објавата немаше други детали за одлуката. За да бидат броени, гласачките ливчиња мора да бидат пратени по пошта до 3 ноември, но може да пристигнат и по тој датум.

Според интернет страницата на изборната комисија, по преброени 87,2 отсто од гласовите, Бајден води со 49,3 отсто пред Трамп со освоени 48,7 отсто од преброените гласови. Разликата во гласови во моментов е нешто помалку од 8 илјади.

Американскиот претседател Доналд Трамп утринава предвремено прогласи победа против демократскиот противкандидат Џо Бајден, при што резултатите допрва треба да бидат објавени во неколку клучни држави, јавува Агенција Анадолија (АА).

„Погледнете ги овие земји во кои победивме синоќа, а потоа погледнете ја разликата со која ги освоивме“, изјави Трамп за поддржувачите во Белата куќа. „Ова е измама на американската јавност. Ова е срам за нашата земја. Се подготвуваме за победа на овие избори, искрено, ние победивме на овие избори.“

Неколку трки треба допрва да се одржат, вклучително во клучните држави Аризона, Џорџија, Мичиген, Невада, Северна Каролина, Пенсилванија и Висконсин. Алјаска е премногу рано да се повика, но нејзините 3 изборни гласа веројатно ќе му припаднат на претседателот.

Бајден води во однос на Трамп со 225:213 во Изборниот колегиум. Кандидатот што ќе освои 270 делегати, добива право да биде претседател.

Anadolu

Во Соединетите Американски Држави (САД) се одржуваат 59. претседателски избори на кои гласачите бираат помеѓу актуелниот претседател, републиканецот Доналд Трамп и неговиот ривал од редот на демократите Џо Бајден, поранешниот американски потпретседател, а првите гласачки места се затворени на полноќ по средноевропско време, јавува Агенција Анадолија (АА).

Се работи за гласачките места во деловите на Индијана и Кентаки, додека гласачките места во првите клучни „колебливи држави” (swing states) се затвораат во Џорџија во еден час наутро по средноевропско време. Половина час подоцна се затвораат гласачките места во Северна Каролина.

Бајден резултатите од изборите ќе ги следи во сојузната држава Делавер,а Трам во Источното крило на Белата куќа.

Гласачите во САД бираат претседател на државата, но и комплетен нов состав на Претставничкит дом кој брои 435 мандати, и 35 од вкупно стотина членови на Сенатот.

Сојузните држави поставија различни рокови за праќање на пополнетите гласачки ливчиња, што, во случај на неизвесна трка, би можело да доведе до тоа да победикот не биде познат во изборната ноќ.

Изборниот систем во САД е специфичен и комплициран, со оглед дека не победува нужно кандидатот кој ќе освои највеќе гласови на ниво на целата земја, туку оној кандидат кој ќе добие најмалку 270 од 538 таканаречени електори. Гласачите не се определуваат директно за Трамп (74) или Бајден (77), туку бираат електори, демократи или републиканци, кои во декември формално бираат претседател (електорски колеџ). Тој завршен изборен чин е формалност, со што победникот на изборите се зне нешто по изборите.

Кандидатот кој ќе победи во една сојузна држава ги добив сите нејзини електори, освен во Мејн и Небраска. Електорите на Мејн и Небраска кандидатите можат да ги поделат, зависно од резултатите на ниво на изборните единици на тие држави.

Според последните анкети, предност на денешните избори има Бајден, но исходот на изборите ќе зависи од резултатите во 13 „колебливи” сојузни држави, односно во Тексас (38 електори), Флорида (29), Пенсилванија (20), Охајо (18), Џорџија (16), Мичиген (16), Северна Каролина (15), Аризона (11), Висконсин (10), Минесота (10), Невада (6) Иова (6) и Њу Хемпшир (4).

Со посебно внимание ќе се чекаат резултатите на Флорида, која традиционално е упориште на неизвесна трка, а аналитичарите тврдат дека изборната победа би била многу извесна ако ги освои електорите на Флорида.