Во Дубаи ќе се гради нов хотел, се разбира, тој ќе биде посебен во овој град во Обединетите Арапски Емирати ништо не може да биде “обично“….
Најавена е изградба на хотел “Rosemont Five Star Hotel” кој на располагање ќе има 450 хотелски соби, плажа, забавен парк, базен, базен на покривот на хотелот, ама и нешто што ќе одвојува од останатите луксузни хотели – ќе има своја, вештачки направена шума.
“Гостите во хотелот ќе може да уживаат во 4Д анимација на плафоните на хотелските соби, кои секоја вечет ќе се менуваат. Кога ќе влезат во лобито, гостите ќе бидат поздравувани од роботи“, најавил еден од архитектите кои работаат на овој проект.
Покрај роботите кои ќе ги поздравуваат гостите, сепак тие ќе бидат дочекани и од човечки персонал, а споменатата вештачка шума ќе биде на отворено, сместена на катот за забава во хотелот, најавил архитектот Армин.
“Тука ќе има густи крошни, балдахини, сонце кое ќе се пробива низ шумата, а во текот на летото ќе ја рециклираме кондензацијата од кулите со што маглата би се спуштила од дрвјата и разладила воздухот.“
Вештачката шума ќе биде отворена за гостите на хотелот, тамошните жители, ама и туристите кои нема да отседнат во овој луксузен хотел, ама сепак за тоа ќе мора да плаќаат влезници.
Изградбата на хотелот веќе е започната, а се очекува истата да бисде завршена до крајот на 2018 година.
