ЕМИРАТИ

Ski Dubai – Прво затворено скијалиште на Блискиот исток

07/05/2015

203

Дека во Дубаи повеќе ништо не е невозможно покажува и овој објект – прво затворено скијалиште на Блискиот исток, каде можете да уживате во скијање, санкање, спуштање низ надолнини, или едноставно да се играте со снегот. Освен тоа, тука можете да се запознаете и со најновите жители на овој конплекс – пингвините! Вас ви преостанува само дилемата што прво да пробате.

Ова е сосема сигурно место за цело едно семсјтво, друштво, и пријатели со вистински снег во целата година, сместено додуше на помалку невообичаено опкружување, што го прави уште поинтересно.

На простор од 22.500 м2 распоредени се 5 патеки со различна тежина, висина и наклон (стрмнина), од кои најдолгата е 400 метра со пад од 60 метра. Своите вештини можете да ги тестирате на предизвикувачките патеки, или пак да се упуштите и уживате во лесното спуштање по патеката за почетници. Овие патеки нудат часови на уживање за ентузиастите и приврзаниците на зимските спортови на сите вештини и возрасти. Во склоп на овој комплекс се наоѓа и Фристајл зоната за сноубордерите.

Децата и родителите можат да уживаат во снежниот парк кој зафаќа површина од 3.000м2 и тој претставува најголем затворен снежен парк на светот.

Покрај сето тоа што го напоменавме, во овој фантастичен комплекс не морате да се грижите заради опрема или одговарачка облека. Имено, гостите во комплексот можат да изнајмат се што им е потребно за потполно уживање во ова чудо на технологијата и изградбата.

Тука исто така се наоѓаат и неколку угостителски објекти, па секако немојте да го заборавите а не посетите кафето Ст. Мориц на влезот од комплексот, а потрудете се да го посетете и кафето Авалаче од каде се овозможува прекрасен поглед низ снежната падина. Продавницата Сноу Про, која исто така се наоѓа на влезот на комплексот, ви нуди не само шаролик асортиман на сите видови опрема и облека туку и стручно особје подготвено на забавен начин да ве запознаат со фантазијата на зимските спортови.