Советот за безбедност на Обединетите нации гласаше за резолуцијата предложена од земјите од Персискиот Залив, која имаше повеќе од 130 ко-спонзори.
Резолуцијата беше усвоена со 13 гласови „за“, додека Русија и Кина беа воздржани.
Резолуцијата ги осудува нападите на Иран врз земјите од Персискиот Залив и Јордан. Исто така, бара итно прекинување на сите напади и закани од страна на Иран, вклучително и оние извршени преку сили-посредници.
Документот, исто така, ги осудува сите потези на Техеран што би можеле да го затворат или нарушат меѓународниот превоз преку клучниот Ормутски теснец.
Резолуцијата не го споменува воздушното бомбардирање на Иран од страна на САД и Израел.
