Мајстори нема доволно, а кога ќе се најдат, скапи се и се чека на ред, се жалат граѓани. Околу 70.000 денари е месечната плата на мајстор-пекар во Скопје, двојно повеќе од плата на наставник во основно училиште, а сепак многу пекарници не можат да најдат пекар. Расте интересот за упис во средни стручни училишта и за дуалното образование, но и тоа не е брзо решение.
Откако почнавме да го реновираме станот, сфатив дека побрзо ќе закажете на „Мој термин“ кај лекар отколку кај мајстор за плочки. Ред чекам и кај мајсторот за подно греење и кај тој за местење прозори, вели скопјанката Павлинка Герасимова која по неколку разговори со мајстори сфатила дека реновирањето ќе биде подолго и поскапо од што планирала.
„Ми требаа добри препораки и многу преговори. Предизвик е и цената, разликата од една до друга понуда за истата работа како е разлика како меѓу „мерцедес“ и „фиќо“. Сега, стравувам мајсторот што почна да работи во меѓувреме да не побегне на друга „тезга“ па да го чекам да се врати, оти и тоа се случува“, вели Герасимова за Радио Слободна Европа (РСЕ).
Повеќе на РСЕ
