Жител на Минесота, Чонгли Тао (56), натурализиран американски државјанин, изјави дека доживеал страв, срам и очај откако службениците на американската Служба за имиграција и царина (ICE) насилно влегле во неговиот дом со пиштол, му ставиле лисици и го извеле на снегот во шорцеви и апостолки.
Тао бил вратен дома истиот ден без никакво објаснување или извинување, објави Ројтерс.
It’s 5° F in St. Paul, Minnesota today and ICE is marching elderly people through the streets in their underwear and slippers. This injustice will be a stain on our country for years to come. pic.twitter.com/lMRzuCmlxP
— Dan Monfre (@DanMonfre) January 18, 2026
Инцидентот се случил додека Тао пеел караоке во својот дом. По гласно тропање на вратата, тој и неговото семејство се засолниле во спалната соба, каде што ги пронашле федералните агенти. Тао вели дека се обидел да ја пронајде својата лична карта, но не му било дозволено да се облече. Излегол покриен со ќебе со кое неговиот четиригодишен внук спиел на каучот. Му биле земени отпечатоци од прсти и фотографиран во полициско возило пред да биде ослободен.
Тао изјавил дека неговите родители го донеле од Лаос во Соединетите Држави во 1974 година, а тој станал американски државјанин во 1991 година. За време на притворот, се плашел дека може да биде депортиран во Лаос, каде што нема роднини.
