Патнички автобус се преврте во централен Иран, при што загинаа 13 лица, а повеќе од десетина беа повредени, објави државната новинска агенција ИРНА.
Автобусот патувал доцна во понеделникот од Исфахан до североисточниот град Машхад кога удрил во заштитна ограда на автопатот, преминал во спротивната лента и се судрил со такси пред да се преврти, соопштила локалната полицијата.
Единаесет патници во автобус и две лица во таксито загинаа во несреќата, додека шест жени и седум мажи беа хоспитализирани, соопшти ИРНА.
Службите за итни случаи, вклучувајќи амбулантни возила и спасувачки единици, веднаш беа испратени на местото на настанот.
Иран има еден од најлошите рекорди за безбедност на патиштата во светот, со околу 20.000 смртни случаи годишно. Големиот број на смртни случаи се припишува на широко распространетото непочитување на сообраќајните закони, неисправните возила и недостатокот на служби за итни случаи во огромните рурални области.
