Рускиот претседател Владимир Путин им наложи на државните институции да подготват предлози за евентуално тестирање на нуклеарно оружје, испраќајќи силен сигнал од Москва како одговор на најавата на американскиот претседател Доналд Трамп дека САД ќе продолжат со слични активности.
Рускиот претседател Владимир Путин им наложи на врвните државни функционери да подготват предлози за евентуално тестирање на нуклеарно оружје, откако американскиот претседател Доналд Трамп објави дека САД ќе продолжат со слични активности.
За време на состанокот во Кремљ, Путин рече дека Русија досега строго се придржувала кон своите меѓународни обврски според Договорот за сеопфатна забрана за нуклеарни тестови, но нагласи дека Москва ќе одговори на ист начин доколку која било нуклеарна сила одлучи повторно да ги тестира своите боеви глави.
„Доколку САД или која било друга нуклеарна сила спроведе тестови, и Русија ќе го стори тоа. Нашите обврски не се еднонасочни“, рече Путин.
Министерот за одбрана Андреј Белошов рече дека неодамнешните изјави и активности на Вашингтон се знак дека Русија треба да биде подготвена за целосни тестови.
„Препорачливо е веднаш да се започнат технички подготовки. Тест-полигонот Новаја Земја во рускиот Арктик е подготвен да се активира во блиска иднина“, рече Белоусов.
Според руските медиуми, Путин им наложил на Министерството за надворешни работи, Министерството за одбрана, разузнавачките служби и другите релевантни агенции заеднички да ја анализираат ситуацијата и да достават конкретни предлози за тоа како Русија би можела да пристапи кон можните подготовки за нуклеарни тестови.
– Им наредувам на сите надлежни институции да сторат сè што е можно за да соберат дополнителни информации за ова прашање, да го анализираат во рамките на Советот за безбедност и да презентираат договорени предлози – рече Путин.
Да потсетиме дека Соединетите Американски Држави последен пат тестираа нуклеарно оружје во 1992 година, додека Кина и Франција го сторија тоа во 1996 година. Советскиот Сојуз го спроведе својот последен тест во 1990 година, а постсоветска Русија – иако го наследи арсеналот – досега не спроведе ниту еден.
Изјавите на Москва доаѓаат во време на зголемени глобални тензии и сè поизразена трка во вооружување меѓу големите сили, што предизвикува загриженост кај меѓународната заедница и организациите што се залагаат за нуклеарно разоружување.
Извор: Ројтерс / Хајат.ба
