Министерството за здравство на Газа во неделата објави дека бројот на Палестинци кои починале од глад и неухранетост се искачил на 455, вклучувајќи 164 деца.
Болницата на мачениците Ал-Акса во Деир ал-Балах ја регистрирала смртта на 13-годишниот Ахмед ал-Шариф, момче кое го загубило животот поради неухранетост, според извештаите од терен од 28 септември 2025 година.
Министерството предупредува дека хуманитарната криза во Газа дополнително се продлабочува поради блокадата и неможноста помошта да стигне до најранливите.
Најмалку 66.005 Палестинци се убиени во геноцидната војна на Израел против Појасот Газа од октомври 2023 година, соопшти Министерството за здравство во неделата, објави Анадолу.
Израелската војска ги продолжи нападите врз Појасот Газа на 18 март, при што уби 13.173 лица, а ранети се 56.121, прекршувајќи го договорот за прекин на огнот и размена на затвореници што беше во сила од јануари.
Во ноември минатата година, Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.
Израел се соочува и со обвинение за геноцид пред Меѓународниот суд на правдата поради војната во енклавата.
