Турскиот претседател Реџеп Таип Ердоган изјави дека по разговорите во Белата куќа во четвртокот, постигнал договор со американскиот претседател Доналд Трамп за тоа како да се постигне прекин на огнот и траен мир во Газа и Палестина.
– Нашата средба беше многу важна во однос на изразувањето на волјата за прекин на масакрот во Газа. За време на средбата, г-дин Трамп ја изрази потребата од прекин на борбите во Газа и постигнување траен мир – нагласи турскиот претседател.
– Објаснивме како може да се постигне прекин на огнот во Газа и цела Палестина, а потоа и траен мир. Таму беше постигнат договор. Рековме дека решението со две држави е формула за траен мир во регионот, дека сегашната ситуација не може да продолжи – рече тој.
Ердоган, исто така, рече дека учеството на сирискиот претседател Ахмед ал-Шара на Генералното собрание на Обединетите нации е многу важно за глобалната легитимност на новата сириска влада, пренесува Ројтерс.
