Израелските воени напади, вклучувајќи го и најновиот врз Доха, ја потврдуваат проширената воена кампања на Израел во регионот. Во текот на изминатите неколку недели, Израел ја бомбардираше Газа во Палестина, а редовно извршуваше напади и во Либан, Сирија и Јемен.
Постои сомневање дека израелски дрон вчера нападнал и хуманитарна флотила што пловела кон Газа и се закотвила во Тунис.
Обидот за атентат ја одразува реториката на израелските функционери кои постојано ветуваа дека ќе стигнат до лидерите на Хамас каде и да се, слично како политичкиот лидер на групата Исмаил Ханија, кој беше убиен во Техеран.
Воздушните напади се очигледно без преседан. Израелската окупаторска војска тврди дека презела чекори за намалување на цивилните жртви, но со оглед на бројот на убиени цивили во Појасот Газа во текот на изминатите две години, ваквите тврдења треба да се земат со резерва, објавува Ал Џезира.
Израелската окупаторска војска дејствува во регионот со целосна неказнивост, без последици за своите постапки. Бројни земји беа нападнати во последните години, вклучувајќи го Појасот Газа, окупираниот Западен Брег, Либан, Сирија, Јемен, Иран, а сега и Катар.
Катар е земјата што моментално посредува во мировните напори за постигнување прекин на огнот и неуморно работи за постигнување договор за прекин на војната.
Овој напад, најверојатно, ќе се смета за ескалација бидејќи израелската окупаторска војска дејствува на начин што не го користела претходно, наведувајќи дека презема нови мерки, особено во контекст на плановите за освојување на градот Газа.
