Претставник на Хамас изјави за Ал Џезира дека раководството на организацијата го преживеало израелскиот напад во Доха.
Арапските медиуми објавија дека пет лица се убиени во нападот во Катар.
Според сегашните информации, загинатите биле членови на Хамас, но не биле дел од раководството.
Загинатите се синот на лидерот на Хамас во Газа, Химам ал-Хаја, Калил ал-Хаја, Џихад Лабад Абу Билал и тројца соработници, што веројатно се однесува на телохранители или советници на високи функционери на Хамас – Абдула Абу Халил, Моамен Абу Омар и Ахмад Абу Малек.
Израелскиот претседател Исак Херцог зборуваше на X во врска со нападот врз Катар.
„Одлуката на премиерот и министерот за одбрана, заедно со врвот на ИДФ и Шин Бет, да удрат врз врвот на Хамас е важна и правилна. Да не заборавиме – Калил ал-Хаја е крволочен терорист со крвта на илјадници луѓе на рацете, еден од архитектите на масакрот од 7 октомври, како и многу негови колеги“, напиша Херцог.
Францускиот претседател Емануел Макрон го критикуваше израелскиот напад во Катар, нарекувајќи го неприфатлив, „без оглед на причината зад него“.
„Под никакви околности војната не треба да се прошири на целиот регион“, изјави Макрон.
Надзорна камера го сними моментот на нападот во главниот град на Катар, Доха.
CCTV footage captured the moment of the Israeli airstrikes earlier against the Qatari capital of Doha. pic.twitter.com/iG7khL3ETs
— OSINTdefender (@sentdefender) September 9, 2025
