Турција изрази подготвеност повторно да биде домаќин на мировни преговори меѓу Русија и Украина во Истанбул, штом се договорат за меѓусебно погодни датуми.
Турскиот претседател Реџеп Таип Ердоган и рускиот претседател Владимир Путин разговараа по телефон за билатералните односи, ситуацијата во Сирија и војната во Украина, соопшти турскиот претседателски кабинет.
– Биле разгледани турско-руските билатерални односи, како и регионалните и глобалните прашања. Претседателот Ердоган ја нагласи важноста од започнување на трета рунда разговори меѓу Русија и Украина и потврди дека Турција ќе продолжи да ја игра улогата на домаќин во Истанбул, се вели во соопштението.
Ердоган му рече на Путин дека Турција вложува напори за зачувување на стабилноста во Сирија.
Порано оваа недела, портпаролот на Кремљ, Дмитриј Песков, изјави дека Русија е подготвена за нова рунда разговори, но дека конкретни предлози од Киев сè уште не се пристигнати.
