Американскиот државен секретар Марко Рубио претходно изјави дека САД не учествуваат во израелските напади врз Иран
Иран ќе ги засили нападите врз Израел и ќе ги таргетира регионалните бази на секоја земја што ќе се обиде да го одбрани Израел, изјави висок ирански претставник за Си-Ен-Ен.
„Иран го задржува правото, според меѓународното право, решително да му одговори на израелскиот режим. Секоја земја што ќе се обиде да го одбрани режимот од иранските операции, за возврат ќе ги гледа своите регионални бази и позиции како нови цели“, објави официјалниот претставник.
Пакистан вети поддршка за Иран: Повик до муслиманите да се обединат
Претходно, американски и израелски извори изјавија за Си-Ен-Ен дека американската војска помогнала да се пресретнат иранските ракети лансирани против Израел. Израелски извор изјави за Си-Ен-Ен дека и други земји во регионот ја поддржуваат израелската противвоздушна одбрана.
Американскиот државен секретар Марко Рубио претходно изјави дека САД не учествуваат во израелските напади врз Иран. САД веќе му помогнаа на Израел со воздушна одбрана за време на минатогодишните ирански воздушни напади, за време на администрацијата на демократскиот претседател Џо Бајден.
Вашингтон и тогаш отворено не учествуваше во нападите врз Иран.
Аксиос пишува дека за време на вонредната седница на Советот за безбедност на Обединетите нации, претставник на САД го предупредил Иран да не ги таргетира американските интереси или персоналот во регионот.
„Дозволете ми да бидам апсолутно јасен: ниту една влада, нејзините полномошници или независни актери не треба да ги таргетираат американските граѓани, бази или инфраструктура во регионот. Последиците за Иран би биле страшни“, нагласи Мекој Пит.
