Канцеларијата на главниот обвинител во Истанбул поднесе обвинение против градоначалникот на Истанбул Екрем Имамоглу за клевета. Во обвинението објавено денеска се вели дека градоначалникот на Истанбул се обидел да влијае на експертите и бара затворски казни од две до четири години за Имамоглу, објави Дејли Сабах.
Како што се натрупуваа кривичните случаи против него и општината, Имамоглу одржа прес-конференција на 27 јануари, отворено го повика С.Б., експерт за истраги и тужби во кои се вклучени општински фирми за наводна корупција. Тој тврдеше дека С.Б намерно бил распореден во случаите за да го вмешаат него и општината. Обвинителството во Истанбул потоа започна истрага за изјавите упатени кон С.Б.
Во обвинението се наведува дека С.Б. по изјавите на Имамглу се соочил со клевета на социјалните мрежи и некои медиумски куќи. С. Б., пак, во меѓувреме го бранел своето досие како експерт и рече дека никогаш не бил вмешан во лажно сведочење или други неправилности како што тврди Имамоглу, додавајќи дека бил назначен и за експерт во многу судски процеси во кои се вклучени политички партии, освен Републиканската народна партија (ЦХП) на Имамоглу. Градоначалникот на Истанбул тврди дека тужбите против него и другите општини предводени од ЦХП се политички мотивирани.
Според обвинението, Имамоглу имал за цел да ги поттикне тврдењата дека судството и експертот не се неутрални и објективни и дека се мешаат во работата на С.Б. во тековните судски процеси и истраги. Обвинителите бараат и политичка забрана за Имамоглу. Судот сега ќе го оцени обвинението, ќе одлучи дали ќе го потврди и ќе одреди датум за судење.
Во одвоеното обвинение, главното обвинителство бара затворски казни до 14 години за петмина осомничени за незаконско снимање на разговори со С.Б. Осомничените се обвинети дека пред објавувањето тајно го снимиле телефонскиот разговор на С.Б. со персоналот на ТВ Халк без негова согласност.
Новата истрага следи по покрената судска истрага против Имамоглу за „изјави кои се квалификуваат како закани“ против главниот јавен обвинител на Истанбул и неговото семејство, како и за „таргетирање на лица задолжени за борба против заканите и тероризмот“.
ЦХП соопшти дека обвинителот дејствувал како „гилотина“ за претседателот Реџеп Тајип Ердоган по апсењето на Риза Акполат, шефот на ЦХП во областа Бешикташ во градот, под обвинение за корупција.
Имамоглу веќе беше осуден во 2022 година за навреда на јавни функционери кога ја критикуваше одлуката за поништување на првиот круг од претходните општински избори, во кои го победи кандидатот на владејачката Партија на правдата и развојот (АК Парти). Тој поднел жалба на казната, но доколку биде потврдена од повисоките судови, може да се соочи со петгодишна забрана од политиката.
