Невремето повторно ги зафати италијанските провинции Тоскана и Лигурија, а делови од Фиренца се поплавени, јавија денеска италијанските медиуми.
Concerns are rising in Italy as ongoing storms in the Apennines have caused the Lamone River to surpass the red threshold, reaching a historic 2.68 meters in Marradi late this morning.pic.twitter.com/vv2l5778TG
— Volcaholic 🌋 (@volcaholic1) January 28, 2025
Според локалната полиција, најпогодени се областите Олтрарно и Галуко, пренесе агенцијата Анса.
Кран се урна врз зграда во Рим, но нема повредени, јави јавната телевизија Раи.
Дел од кран паднал на балкон на петти кат во шесткатница, а три семејства се евакуирани од зградата.
Невремето предизвика штети и во Лигурија, особено во Џенова, каде што се урна ѕид од зграда, поради што пожарникарите ја пребараа областа за да проверат дали има затрупани луѓе.
Во таа покраина реката Ентела се излеа во градот Кјавари, а во градот Валфонтанабуона четири семејства беа евакуирани поради лизгање на земјиштето.
Во областа Тигулио денеска ќе важи црвен метео аларм, додека во Џенова е прогласен портокалов.
Предупредување за ризик од лизгање на земјиштето и поплави е издадено и во северна Тоскана.
