Палестински медицински претставници соопштија дека израелските воздушни напади денеска убиле најмалку 28 лица во Појасот Газа, меѓу кои седум деца и една жена, неколку часа откако Генералното собрание на ОН со големо мнозинство ја одобри резолуцијата со која се бара итен прекин на огнот во Газа.
Во еден од нападите, една куќа во изградениот бегалски камп Нусејрат беше срамнета, соопшти болницата на мачениците Ал Акса во блискиот град Деир ал Балах, каде што се префрлени жртвите.
Во два други напади, беа убиени 15 мажи кои беа дел од локалните комитети формирани да обезбедуваат хуманитарни конвои. Комитетите беа формирани од раселените Палестинци во координација со Министерството за внатрешни работи на Хамас.
Во средата, Генералното собрание на ОН ги одобри резолуциите со кои се повикува на итен прекин на огнот во Газа и се изразува поддршка за агенцијата на ОН за палестинските бегалци, која е забранета од Израел.
Резолуциите на Генералното собрание не се правно обврзувачки, иако го одразуваат светското јавно мислење, пренесува АП.
(Vijesti.ba / Фена)
