Семејството на Малколм Икс поднело тужба од 100 милиони долари, обвинувајќи ги американските агенции за спроведување на законот за небрежност и прикривање на убиството на активистот за граѓански права пред речиси 60 години, јавува Анадолија.
Илјаса Шабаз, една од ќерките на Малком Икс, ја објави веста за тужбата заедно со другите членови на семејството, тврдејќи дека ФБИ, ЦИА и NYPD знаеле за заговорот за негово убиство или дека не дејствувале.
Правната постапка на семејството уследи по години шпекулации за вмешаност на владата во неговото убиство, но неодамнешните ослободителни пресуди на двајца мажи првично осудени за злосторството отворија дополнителни прашања.
Малколм Икс стана познат во 1950-тите како национален портпарол на Нацијата на исламот, организација на афро-американски муслимани.
Тој беше убиен на 21 февруари 1965 година, за време на говорот во салонот за балови Audubon во Њујорк.
За убиството на Малком Икс уапсени се тројца црнци, од кои двајца тој ден не биле на местото на пукањето.
Окружното обвинителство на Менхетен во Њујорк повторно го отвори случајот, но и двајцата погрешно осудени беа ослободени и нивните казни беа укинати во ноември 2021 година.
