Високиот претставник на Европската унија за надворешна политика и безбедност, Жозеп Борел, остро го осуди убиството на цивили во нападот на израелските сили врз бегалскиот камп во Кан Јунис, кој беше прогласен за безбедна зона.
Мора да се почитуваат законите на војната, да се заштитат цивилите и да се обезбеди одговорност. Не можеме да ја нормализираме хуманитарната катастрофа во Газа – изјави Борел на Х, поранешен Твитер.
Жителите и лекарите денеска соопштија дека шаторската населба во близина на Кан Јунис во областа Ал-Маваси, која Израел ја прогласи за безбедна хуманитарна зона за раселените Палестинци, била погодена со најмалку четири проектили. Кампот е полн со семејства наредени од израелската армија да побегнат во него од други делови на територијата.
Цивилната служба за итни случаи во Газа соопшти дека најмалку 20 шатори се запалиле, а проектилите предизвикале кратери длабоки до девет метри. Се додава дека меѓу 65-те жртви има жени и деца, но не е веднаш даден преглед на загинатите и повредените.
(Vijesti.ba / ФЕНА)
