Експертите проценуваат дека повеќе од 47.000 луѓе починале како последица на високите температури во Европа во 2023 година, што е досега најжешкото откако се направени мерењата. Таа бројка беше објавена во студија за моделирање објавена во списанието Natural Medicine. Меѓутоа, меѓународната истражувачка група предводена од Институтот за глобално здравје во Барселона, исто така, заклучи дека општеството се прилагодило на високите температури.
Тимот користеше податоци на Евростат за 96 милиони смртни случаи за да процени колку од нив биле поврзани со топлина во 823 региони или 35 европски земји во 2023 година, пренесува Ал Џезира Балканс.
Според проценките, минатата година 47.690 смртни случаи во Европа биле поврзани со високи температури. Ова е втора највисока стапка на смртност од почетокот на ваквите мерења во 2015 година. Највисока стапка е забележана во 2022 година.
Истражувачите откриле дека земјите во јужна Европа имаат највисока стапка на смртност поради топлина. Грција (393 смртни случаи на милион жители), Бугарија (229), Италија (209) и Шпанија (175) ги зазедоа првите четири места во проценката. За споредба, стапката во Германија беше 76 смртни случаи на милион жители во 2023 година.
Во конкретни бројки, истражувачката група проценува дека во 2023 година бројот на смртни случаи поврзани со топлина во Италија бил помалку од 12.750, а во Германија 6.376.
