Авион на израелската авиокомпанија „Ел Ал“ денеска слетал во Анталија за да го наполни резервоарот за гориво, но пилотот и екипажот се нашле со големи проблеми.
Имено, според израелските медиуми, авионот на Ел Ал денеска полетал од Варшава и по итната медицинска помош морал итно да слета во Анталија.
По слетувањето, екипажот на Ел Ал побарал полнење гориво за да го продолжи патувањето до Тел Авив, но турскиот аеродром одбил да наполни гориво.
Исто така, патниците во авионот на израелската компанија се соочиле со потешкотии при напуштањето на авионот, со оглед на тоа што претставниците на аеродромот во Анталија не им дозволиле да се симнат.
„Пилотот морал да го држи авионот вклучен поради климата бидејќи на патниците не им беше дозволено да се симнат“, пренесува Канал 12.
По неколкучасовно задоцнување, авионот полетал од Анталија, но наместо кон Тел Авив, продолжил кон Родос, Грција, каде дополнил гориво.
