Бразил го повлече својот амбасадор од Израел поради нападот на Газа, јавува Anadolu.
Според пишувањата на бразилските медиуми, бразилската влада го поканила амбасадорот во Тел Авив, Фредерик Мајер, да се врати во татковината на консултации. Дипломатската мисија на Бразил во Израел ќе продолжи да работи на ниво на вршител на должноста.
Неименуван висок бразилски функционер изјави дека наскоро нема да биде именуван нов амбасадор во Израел.
Израелскиот министер за надворешни работи Јизраел Кац изјави дека бразилскиот претседател Лула да Силва е прогласен за „персона нон грата“ на 19 февруари затоа што ја споредил израелската окупација на Газа со акциите на нацистичкиот лидер Адолф Хитлер.
Да Силва ја опиша израелската окупација на Газа како „геноцид“, споредувајќи ја со акциите на Хитлер и велејќи дека она што се случува во Појасот Газа „не е војна, туку геноцид“.
На зборовите на Да Силва реагираше и израелскиот премиер Бенјамин Нетанјаху кој рече дека „црвената линија е помината“.
