Меѓународниот суд на правдата (МСП) му нареди на Израел да ја прекине воената офанзива врз градот Рафах во јужниот дел на Газа.
Наваф Салам, шеф на Меѓународниот суд на правдата, вели дека судот не е убеден дека напорите на Израел за евакуација на Газа се доволни.
Тој рече: „Судот не е убеден дека напорите за евакуација и поврзаните мерки што Израел тврди дека ги презел за да ја подобри безбедноста на цивилите во Појасот Газа, а особено на оние неодамна раселените од Рафах, се доволни за да се ублажи огромниот ризик за палестинското население изложено како резултат на воената офанзива во Рафах“.
При читањето на пресудата, судијата Салам рече дека судот му наредува на Израел да ја прекине својата офанзива врз Рафах.
Одлуката доаѓа откако Јужна Африка поднесе итно барање до МСП да му нареди на Израел да ја прекине својата офанзива во Рафах, јужна Газа.
Во јануари, африканската нација официјално го обвини Израел дека извршил геноцид врз Палестинците на сослушувањето пред судот на Обединетите нации, пишува Skynews.
За време на воведните зборови, јужноафриканскиот адвокат рече дека последната војна е дел од децениското израелско угнетување.
Израел жестоко ги отфрли обвинувањата.
