И додека американските функционери ги интензивираат своите службени патувања во Кина со цел да постигнат договор поволен за американските интереси за продолжување на економската соработка (неодамна секретарот за финансии Џенет Јелен, сега државен секретар Антони Блинкен), во позадина Американскиот Конгрес усвои пакет закони кои вклучуваат иницијатива за можна забрана на TikTok во САД.
Американскиот претседател Џо Бајден ги потпишал, но конкретно се предлага на компанијата ByteDance да и се дозволи една година да ја продаде наведената социјална мрежа, во спротивно ќе биде забранета во САД.
Ова на конференцијата за медиумите го коментираше портпаролката на Белата куќа, Карин Жан-Пјер, која рече дека американската влада нема намера да ја забрани социјалната мрежа ТикТок. Таа само сака нејзиниот сопственик да им ги продаде на Американците.
„Прво, јасно ставивме до знаење, но членовите на Конгресот јасно ставија до знаење дека не сакаме да го забраниме (TikTok). Не им се допаѓа забраната. Се работи за продажба. За нашата национална безбедност. Не за Американците кои користат TikTok, туку за сопствениците од Кина. За контрола на TikTok. Значи, сакаме (ByteDance) да го отфрлиме, да го продадеме, или не бараме забрана. Ова не е предмет на овој закон“. – изјави портпаролката на Белата куќа.
Таа посочи дека кинеските власти „мора да дозволат“ продажба на социјалната мрежа. „Што се однесува до законот, сега имаме време да видиме како ќе функционира. Веќе има американски инвеститори кои сакаат и се заинтересирани да го купат TikTok. …Ќе оставиме овој процес да си го земе својот тек“, заклучи таа.
